Jenesis 28:5 - Buka Blahi Ka Cheke Holo

⁵ Aonu mae Isak ne kuru teini mae Jekop ka mae Laban, thugna mae Betuel ka namono Mesopotemia. Mae Betuel gne kaisei mae ka vikegna mae Aram. Eghuteuna mae Laban gne neke thabusigna Rebeka, idodi mae Jekop ghe mae Iso.

Jenesis 28:5 ပူးပေါင်းရင်းမြစ်များ

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 27:43

Eghume, thuguo, leghuni unha te chekeni iara igne. Iagho tarabana mala rikha tei au balugna thabusigu iara Laban ka namono Haran.

Jenesis 29:12

Mana ne cheke eghu ka Resel, “Iara gne thugna Rebeka, greghagna mae kmamu iagho ia.” Kate nomhini Resel igne, naꞌa chari ne tei ne cheke ka mae kmagna.

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Jenesis 22:23

Mae Betuel gne neke kmagna Rebeka. Nhana mae igre neke karha ka Milka ghe mae Neho.

Jenesis 24:54

Ke leghudi igre mana nei mae teke mei balugna re eghu mare ne ima nei koꞌu neu ne thuru jare bongi tuana. Kate dofra haghe mare hamerane boibongi ka keha narane na, mana ne cheke eghu ka naiknogna suga na, “Ghotilo snakre ghau iara mala ke pulo iara ka nogu mae funei na.”

Jenesis 28:2

Iagho mala tei Mesopotemia ka namono gna ku'emu Betuel, kmagna idomu iagho gne. Iagho mala tei hata kaisei gaꞌase jare Mesopotemia ka thugna mae Laban, thabusigna idomu themu gne.

Jenesis 29:1

Mae Jekop tei ne posa ka naikno te au ka namono ke maghati re.

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Jenesis 35:27

Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Profet Esikiel 27:16

“ ‘Maedi ka kantri Siria ei bisnis balumu iagho naugna mare foli famane glepo ka iagho ka famane pohe te ngonge, nei pohe te susuki thotoghale tagna mala lalaoni, nei famane pohe vegha nei famane thina te ukru nei kakarha te au ke lamna thongna nei te au ka moumolu.