Jenesis 28:19 - Buka Blahi Ka Cheke Holo

¹⁹ Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Jenesis 28:19 ပူးပေါင်းရင်းမြစ်များ

Jenesis 48:3

Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Jenesis 35:1

God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Ululahu Kings 12:29

Mana ne lilisei kaisei mumuju ka namono Betel, eghuteuna keha na ka namono Dan.

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Jenesis 28:11

Mana mei ne posa ka kaisei vido jare ne thuru, naugna naprai na la pluluhi. Mana ne filoni kaisei thina jare ne kokhogu ka phaꞌu na ne thuru.

Jenesis 31:13

Iara God mae ihei teke tufru soruni mae kmamu iagho ia ngala teke thakle ka iagho Betel ia, ka vido aheva teke fakekegra haghe iagho kaisei thina teke tofa oel ke kligna gna tifa ia. Eghuteuna iagho neke eni kaisei nhaꞌa cheke ka iara. Eghume iara magnahaghei nigho iagho te tarabana nou gobigna lepore iagho re mala jifla agne mala ke pulo ka vido aheva teke karhamu na.’ ”

Jenesis 35:6

Mare mei ne posa Betel, nanghagna namono igne tifa na mare neke kiloi Lus, te au ka kantri Kenan.

Jenesis 35:14

Jare ka vido tuana mae Jekop ne fakegra haghe kaisei thina brahu ne fafara. Mana fablahi thina igne ne tofa khoꞌu nei oel neu ke kligna gna.

Jenesis 35:15

Mae Jekop ne kiloni vido teke facheke God ka mana igne, Betel.

Josua 8:12

Eghuteuna mae Josua ne vavahi glima thogha soldia ne tei lilisei farihotei Ai ghe Betel.

Josua 18:13

Fofota igne tei ke mata thogele rhegna namono Lus, keha nanghagna namono igne Betel. Eghuteuna fofota igne sukha Atarot tei salaꞌu ka keha phile ke paka thogele biꞌo Bet-Horon.

Ululahu Samuel 7:16

Leuleghu finogha na, mana tei ka thilo namono Betel, Gilgal nei Mispa. Naiknore mei koba ka mana ka thilo namono igre mala cheke fajifladi nei mala fadoglidi eghu mana nodi puhi biꞌo nei magra teure.

Ululahu Samuel 10:3

“Eghuteuna kate jifla iagho ka vido igne te tei thoke Tekoa ka gaju blahi na, iagho na filoni kaisei fagaglana. Eghuteuna iagho ginauna thafodi thilo mae te tei fafara God Betel. Kaisei mae na korho thilo sua nanigot, keha mae na hata thilo bret blahi balugna, eghuteuna fatilo mae na pala kaisei duku guli nanigot te fodu ka waen.

Jenesis 35:7

Jare mae Jekop ne eni kaisei olta, ne kiloni vido igne El Betel. Gaoghathogna na “God gna Betel.” Naugna God neke thakle ka mana jare kani teke rikhani mana mae tighagna Iso tifa ia.

Josua 16:2

aonu tei me posani namono Lus, eghuteuna ke tei me salaꞌu Atarot fofotagna nodi rijon naiknodi Aki.

Jajis 20:26

Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Fapea Kings 2:2

Aonu profet Elija ne cheke eghu ka profet Elisa, “Iagho ofou agne, eigna Lord na neke cheke ka iara mala tei Betel.” Nu profet Elisa ne cheke eghu, “Ka nanghagna Lord te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei Betel.

Fapea Kronikols 13:19

Eghuteuna King Abaeja balu nogna soldia ne ngolhini nogna armi King Jeroboam ne hata thilo nodi namono maedi Israel. Nanghadi thilo namono igre, Betel nei Jesana, nei Efron. Eghuteuna mare jaola ne hata namono ikodi te au rhedi thilo namono igre.