Jenesis 28:18 - Buka Blahi Ka Cheke Holo

¹⁸ Hamerane boibongi ka keha narane na mae Jekop ne hata thina teke kokhogu thegna na ne fakegra haghe ne fablahini nei tofa oel ke kligna gna neu mala ke ghatho fapuloni unha teke chekeni God ka mana na.

Jenesis 28:18 ပူးပေါင်းရင်းမြစ်များ

Jenesis 35:14

Jare ka vido tuana mae Jekop ne fakegra haghe kaisei thina brahu ne fafara. Mana fablahi thina igne ne tofa khoꞌu nei oel neu ke kligna gna.

Jenesis 31:45

Aonu mae Jekop ne hata kaisei thina brahu ne jokra haghe jare. Igne jateula kaisei fagaglana eghu eigna u nhaꞌa cheke teke eni phia mare igne.

Jenesis 35:20

Ke kligna gna beku igne mae Jekop ne fakegra haghe kaisei thina te mala fagaglana gna aheva teke giugilui mare thinigna Resel na. Eghuteuna thina igne au ngala gognaro na.

Jenesis 31:13

Iara God mae ihei teke tufru soruni mae kmamu iagho ia ngala teke thakle ka iagho Betel ia, ka vido aheva teke fakekegra haghe iagho kaisei thina teke tofa oel ke kligna gna tifa ia. Eghuteuna iagho neke eni kaisei nhaꞌa cheke ka iara. Eghume iara magnahaghei nigho iagho te tarabana nou gobigna lepore iagho re mala jifla agne mala ke pulo ka vido aheva teke karhamu na.’ ”

Profet Isaia 19:19

Ka narane tuana, kaisei nogna olta Lord ginauna au ke lamnagna kantri igne, eghuteuna ka nohigna kantri Ijep igne, mare ginauna fakegra haghe kaisei thina biꞌo fagaglana gna te tufru soruni mare Lord.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Fapea Samuel 18:18

Tifa, kani karha teku na, mae Absalom neke lilisei haghe kaisei thina brahu mala tuthuana gna ka nogna glogu king. Mana neke eni igne, naugna mana theo kaisei thugna te karha teu te mala ke tughuni nangha gna na. Naugna igne, mana ne nhaꞌa soru nanghagna na ka thina igne. Funu ka narane igne te mei posa gognarona mare kiloi thina igne, “Nogna thina mae Absalom.”

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Naba 7:1

Kate eni te gnafa mae Moses Suga Thapuale te blahi nogna Lord igne, mana ne atha oel te blahi na ne fablahi suga thapuale na baludi gobigna lepo te au lamna re, nei olta baludi bukrei glepo te au ka olta na.

Jenesis 22:3

Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Jenesis 28:11

Mana mei ne posa ka kaisei vido jare ne thuru, naugna naprai na la pluluhi. Mana ne filoni kaisei thina jare ne kokhogu ka phaꞌu na ne thuru.

Josua 4:9

Eghuteuna mae Josua jaola ne titili nabotho phei thina fari hotei khoꞌu biꞌo ka vido teke kegra hatimare mae pris teke pala Bokis Blahi igne. Bukrei thina igne au ngala ka vido igne ghilei mei posa ka narane igne.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.