Jenesis 28:17 - Buka Blahi Ka Cheke Holo

¹⁷ Mae Jekop ne mhaghu ne cheke eghu, “Iara mhaghu nogu ni fara vido igne. Naugna igne ngala thofno sugagna God na. Uve, igne ngala u grengathagna kligna na.”

Jenesis 28:17 ပူးပေါင်းရင်းမြစ်များ

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Eklesiasti 5:1

Iagho mala ghaoghatho fakeli kate tei tarai ka nogna Sugablahi God na. Thofno keli fara te tei iagho jare te fanomho na, nu iagho thosei fafara jateula mae te fameomekro ra eghu. Naugna mae te fameomekro na theome laseni unha te doglo ka tathagna God na.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Luku 2:9

Kaisei engel nogna Lord megei nga kegra neu ke uludi mare, nei nogna nolaghi biꞌo Lord na ne sigla faligohodi mare. Eghuteuna hatimare ne mhaghu nodi fara.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Hibru 10:21

Mae Jisas Kraes ngala mae pris biꞌo te mala reireghidi nogna naikno God re.

Luku 8:35

Aonu naiknore mei ne filoni unha te toutonuni mare na. Eghuteuna kate mei mare ka mae Jisas na, mare ne filoni mae teke brue fajifla mae Jisas naiture tagna na. Mana pipichi pohe gnokro neu rhedi ghahegna mae Jisas re, eghuteuna gaoghathognare kela doglohi. Aonu naiknore ne mhaghu nodi fara.

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Jenesis 28:18

Hamerane boibongi ka keha narane na mae Jekop ne hata thina teke kokhogu thegna na ne fakegra haghe ne fablahini nei tofa oel ke kligna gna neu mala ke ghatho fapuloni unha teke chekeni God ka mana na.

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!