Jenesis 28:13 - Buka Blahi Ka Cheke Holo

¹³ Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 28:13 ပူးပေါင်းရင်းမြစ်များ

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Jenesis 48:3

Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Jenesis 35:12

Tifa na iara neke tusu laohi namono igne ka mae Ebraham ghe mae Isak, eghuteuna gognaro iara na ke tusu ari ka iagho. Eghuteuna iara ginau nake jaola nake tusu lao namono igne ka thumu iagho re.”

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 35:1

God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Jenesis 35:17

Kate karha sua te kabru ghegna fara Resel na, thau te mala toghoni naꞌa kate karha sua na ne cheke eghu ka naꞌa, “Resel, thosei mhaghu iagho kela au kaisei thumu nalhaꞌu!”

Jenesis 32:9

Mae Jekop pogho soru ne tarai eghu, “Iagho nogna God mae kuꞌe Ebraham nei nogna God mae mama Isak! Lord, iagho neke cheke ranghi ghau iara mala ke pulo ka namonogu nei vikegu teura, eghuteuna iagho neke cheke ka iara mala fablahi ghau iara neku.

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 28:4

God ginauna na fablahi nigho iagho nei vikemu iagho gre eghu mala jateula teke eni mana ka mae Ebraham tifa ia eghu. Eghuteuna ghotilo ginauna na tangomana te khotogna namono igne, naugna namono igne neke tusu laohi God ka mae Ebraham.”

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Mae Khuru 7:5

Ka narane tuana God neke theome ke tusu lao kaisei vido glose ka mae Ebraham, thono theo fara, theo kaisei vido glose teke tusu lao God ka mana na. Nu neubane theo thugna ngau mae Ebraham, God neke nhaꞌa cheke ka mana nei naikno nate karha mei ka vikegna mana igre te mala khotogna namono igne ginauna.

Nodi Khoje Hatimare Mae Jiu 105:11

Mana neke cheke eghu ka mae Jekop, “Iara ginauna snakre ari ka iagho namono Kenan ana, eghuteuna vikemu iagho re ginauna nate ke khotogna na.”

Jenesis 35:15

Mae Jekop ne kiloni vido teke facheke God ka mana igne, Betel.

Jenesis 13:17

Tei sagho mala filoni namono nate tusu arini iara ka iagho tuana.”

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 31:5

Repa tei ne thafoni mae Jekop jare, aonu mana ne cheke eghu ka repa, “Iara la filo glani ni mae kmami ghopa gne la theome raꞌe keli ranghi ghau iara jateula teke edi tifeiro teuna. Nu nogna God mae kmagu iara na au balugu iara.

Jenesis 31:13

Iara God mae ihei teke tufru soruni mae kmamu iagho ia ngala teke thakle ka iagho Betel ia, ka vido aheva teke fakekegra haghe iagho kaisei thina teke tofa oel ke kligna gna tifa ia. Eghuteuna iagho neke eni kaisei nhaꞌa cheke ka iara. Eghume iara magnahaghei nigho iagho te tarabana nou gobigna lepore iagho re mala jifla agne mala ke pulo ka vido aheva teke karhamu na.’ ”

Jenesis 31:53

Mae Laban ne chekedi nanghagna nodi God mae kuꞌegna tifa ra ne cheke eghu, “Nogna God mae Ebraham nei nogna god mae Naho, mana nate chekeni mae ihei gne na te huhughuni u nhaꞌa cheke igne ka tapa na.” Aonu mae Jekop ne eni kaisei nhaꞌa cheke ka nanghagna God, God mae ihei kmagna mana mae Isak teke tufru soruni tifa na.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Profet Emos 7:7

Lord neke fakakhana keha mifi na ka iara. Ka mifi igne, iara ne filoni te kegra mana rhegna kaisei gringni thina teke fadoglo mare ka teke loku na, eghuteuna iara filoni te jaola te loku teu mana kaisei naula na.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Ululahu Kronikols 16:16

Nhaꞌa cheke teke kulu eni mana ka mae Ebraham igne, mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.

Ululahu Kronikols 16:18

Mana neke cheke eghu ka mae Jekop, “Iara ginauna tusu ari ka iagho namono Kenan igne, eghuteuna vikemu iagho igre ginauna nate khotogna na.”

Profet Esikiel 28:25

Lord God ne cheke eghu, “Kate hata teke salofodu mei iara naiknodi Israel igre funudi ka keha kantri are, iara ginauna falalase ka mare te iara mae blahi. Eghuteuna mare ginauna au ka namono teke tusu lao iara ka nogu mae gloku Jekop, mae kuꞌedi mare ia.