Jenesis 28:1 - Buka Blahi Ka Cheke Holo

¹ Aonu mae Isak ne ehani mae Jekop ne fablahini mana. Mana ne cheke eghu faheta ka mae Jekop, “Thuguo, iagho mala thosei tolaghi ka kaisei gaꞌase gna agne Kenan. Theo.

Jenesis 28:1 ပူးပေါင်းရင်းမြစ်များ

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Jenesis 27:46

Aonu Rebeka ne cheke eghu ka mae Isak, “Iara theome magnahaghedi fara gaꞌase vikegna mae Hit igre. Jame tolaghi Jekop gne ka kaisei gaꞌase ka vikegna mae Hit igre meuna, iara gne nabagu na mala lehe kolho.”

Jenesis 24:37

Eghuteuna mana neke cheke faheta eghu fara ka iara, ‘Those hata kaisei gaꞌase agne ka kantri Kenan. Aheva te au teu iara igne te mala khetogna mae thugu iara na. Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna Isak mae thugu iara igne.’ Eghume iara neke nhaꞌa cheke leghudi nogna cheke nogu mae funei Ebraham.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Jenesis 34:16

Te eni ghotilo igne na, ghehati ginauna na snakre ghami ghotilo mala tolaghi ka thumi gaꞌase ghehati gre eghuteuna ghehati jaola mala tolaghi ke thumi gaꞌase ghotilo are eghu. Eghuteuna ghehati ginauna na au balumi ghotilo mala kaisei vike ngala tahati eghu.

Jenesis 34:9

Iara magnahaghei ghita tahati te kaisei fofodu ngala mala tolaghi lao mei eghu ngala, ghehati mala tolaghi ka gaꞌase ghotilo gre eghuteuna ghotilo mala tolaghi ka gaꞌase ghehati gre eghu.

Jenesis 27:4

Iagho hata mei kuki nafnata gano te mamahe te magnahaghedi iara re. Hata mei mala ghamu iara. Eghuteuna iara ginauna tusu ari ka iagho nogu fablahi leghu lahu na ame lehe nga iara eghu.”

Jenesis 24:4

Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna mana, mae thugu iara igne.”

Jenesis 28:6

Mae Iso gne ne nomhini mae Isak te toreni God te fablahini mae Jekop gne nei kuru teini mana mala tei tolaghi Mesopotemia teu na. Mana jaola ne nomhini mae kmagna na te toreni God te mala fablahini mae Jekop te mala thosei tolaghi mana ka gaꞌase di Kenan gre.

Jenesis 38:2

Mae Juda ne filoni kaisei gaꞌase, gaꞌase igne thugna mae Sua kaisei maegna Kenan. Eghuteuna mana ne magnahagheni gaꞌase igne ne tolaghi ka naꞌa.

Profet Jeremaea 29:6

Ghotilo mae nalhaꞌu ra tolaghi mala au kmana thumi nalhaꞌu nei gaꞌase eghu. Te keli na ghotilo mala kmana nei vuragha eghu jare Babilonia.