Jenesis 27:46 - Buka Blahi Ka Cheke Holo

⁴⁶ Aonu Rebeka ne cheke eghu ka mae Isak, “Iara theome magnahaghedi fara gaꞌase vikegna mae Hit igre. Jame tolaghi Jekop gne ka kaisei gaꞌase ka vikegna mae Hit igre meuna, iara gne nabagu na mala lehe kolho.”

Jenesis 27:46 ပူးပေါင်းရင်းမြစ်များ

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Jenesis 28:8

Mana laseni te mae kmadi na theome magnahaghei phei mae thugna gre te tolaghi ka gaꞌasedi agne Kenan gre.

Thoutonu Eigna Mae Job 14:13

“Te keli fara na iagho jame pophoru ghau iara ka nodi namono mae te lehe ra. Mala poru iara ka namono igne ghilei thokeni narane te gnafagna diꞌatamu iagho na. Eghuteuna iagho lilisei narane te mala au iara ka namono igne eghuteuna thosei ghatho iho ghau.

Thoutonu Eigna Mae Job 7:16

Iara theome magnahaghei te karha teuna. Iara tiroguni kolho nakarha na. Iagho thosei nanga ghau iara, naugna nakarhagu iara na theo nafugna kolho.

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Naba 11:15

Eghuteuna jame te eghu fabrahu iagho puhi igne ka iara na, falehe ghau iara gognarola. Nu te reireghi ghau iara iagho na, thofno lisa ghau iara ka glehe mala theome thoke ghau puhi!”

Profet Jona 4:9

Lord ne cheke eghu ka mana, “Ba, doglou kolho te diꞌatamu iagho eigna gaju vaen igne na?” Mae Jona ne cheke eghu, “Uve, doglou kolho te diꞌatagu iara na, eghume iara magnahaghei lehe nogu kolho!”

Profet Jona 4:3

Eghume Lord, snakre ghau mala lehe nogu. Mala unha site karha iara gnea? Nabagu na iara mala lehe kolho.”