Jenesis 27:41 - Buka Blahi Ka Cheke Holo

⁴¹ Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 27:41 ပူးပေါင်းရင်းမြစ်များ

Jenesis 37:4

Hatimare mae thabusigna mana igre ne filoni mae kmadi na te namhani fara mae Josep ke tulaodi marei na ne diꞌatadi fara ka mana.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Jenesis 37:8

Hatimare mae thabusigna mana igre ne nomhini igne ne cheke eghu ka mae Josep, “Ba, iagho magnahaghei te kegra haghe te mala kaisei nomi mae king ghehati mala funei fruni ghami ghehati sia!?” Hatimare mae thabusigna mana igre ne thofno diꞌatadi fara ka mae Josep eigna u mifi igne, nei eidi langau unha te chekedi mana re eghu.

Jenesis 32:6

Mae igre neke pulo mei neke cheke eghu ka mae Jekop, “Ghehati ne hata cheke ne tei posa ka mae tighamu Iso, eghuteuna mana gognaro na mei thafo nigho iagho fari hotei nabrou. Eghuteuna fati gobi mae na mei balugna mana.”

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Profet Esikiel 35:5

“ ‘Funu tifa te mei na, ghotilo nogna naoka Israel ghilei mei posa ka narane gognarogne. Eghuteuna ka narane tuare, mare neke au ka puhi biꞌo u papara leghu lahu eidi nakhibodi re, eghuteuna ghotilo snakredi hatimare mae naokare mala aknu falehedi ka magra.

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Nodi Khoje Hatimare Mae Jiu 37:16

Glepo ikoi te au ka mae te keli na, thofno keli fara uludi glepo te khotodi mae te diꞌare.

Nodi Khoje Hatimare Mae Jiu 35:14

Eghume iara tanhidi mare jateula teke kheragu nei thabusigu eghu thegu. Iara nonolo tafri balu diꞌanagnafa nei tanhi eghu. Jateula tela lehehi idogu ra eghu kolho.

Fapea Kronikols 35:24

Aonu mare hata fajiflani mana ka nogna chariot mala magra na ne nhaꞌa laoni ka keha nogna chariot na. Aonu mare hata fapuloni mana neke figri Jerusalem ne lehe jare. Mare giugiluni mana ka bekudi kuꞌegna ra. Eghuteuna naiknodi Jerusalem nei Juda teu igre diꞌanagnafa ne tanhi fabiꞌo.

Diutronomi 34:8

Ka narane tuare naiknodi Israel teke au ka sare biꞌo Moab igre ne diꞌanagnafadi fara ne tanhi ka glehegna mana na ne ghilei thokeni tolufulu narane, tuare gnafadi narane te mala tanhire.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Jenesis 32:11

Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Jenesis 27:42

Rebeka ne nomhi unha te ghathoni mae Iso igne ne ehani mae Jekop ne cheke eghu ka mana, “Fanomho fakeli iagho ia. Tighamu iagho Iso gne fameomegoni thegna ka gaoghatho te mala falehe nigho iagho na.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Jenesis 50:2

Aonu mana ne kilodi maedi Ijep te loku ranghini mana re. Mana ne chekedi mae te lase edi thinidi mae te lehere mala theome tangomana te boto nei siri teuna. Aonu hatimare ne leghuni unha teke chekeni mae Josep na.

Jenesis 37:18

Hatimare ne filo khaba laoni mae Josep. Ame mei posa nga mana teuna, mare ne roghe nodi te mala faleheni mana na.

Jenesis 50:15

Kate filoni te lehehi mae kmadi na, hatimare mae thabusigna mana re ne cheke eghu, “Unha eghu jame te diꞌatagna fabrahui teu mae Josep ka tahati na? Eigna tahati gne neke edi kmana najafra ranghini mana. Unha eghu jame teke foli fapulo mana najafra tura ka tahati na?”

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.