Jenesis 27:4 - Buka Blahi Ka Cheke Holo

⁴ Iagho hata mei kuki nafnata gano te mamahe te magnahaghedi iara re. Hata mei mala ghamu iara. Eghuteuna iara ginauna tusu ari ka iagho nogu fablahi leghu lahu na ame lehe nga iara eghu.”

Jenesis 27:4 ပူးပေါင်းရင်းမြစ်များ

Hibru 11:20

Mae Isak neke fatutuani ni God. Naugna igne mana neke fablahidi mae Jekop ghe mae Iso eidi unha nate thoke mei ka nakarhadi phiamare nathuꞌu nauriha na.

Jenesis 48:9

Mae Josep ne cheke eghu ka mae kmagna na, “Igre phei mae thugu iara re, God neke tusu mei ka iara kate au teu iara agne Ijep na.” Aonu mae Jekop ne cheke eghu, “Hata mei sagho phei mae thumu re rhegu iara agne mala toreni iara God mala fablahidi phia mare.”

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Jenesis 27:25

Aonu mae Isak ne cheke eghu, “Hata mei gano teke tarabana iagho na ka iara mala ghamu iara. Eghuteuna ke leghugna igne iara ginauna na fablahi nigho iagho.” Aonu mae Jekop ne hata ne lao gano teke magnahaghei mae kmagna na ne ghamu mana, eghuteuna mae Jekop jaola ne hata ne lao waen ne koꞌu mana.

Luku 24:51

Kate fablahidi mare na, mana jifla kokodi mare, eghuteuna God ne hatani mana ne haghe kligna.

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Josua 22:6

Aonu Josua ne fablahidi, ne cheke eghu ranghidi, “Ghotilo tangomana te tei ka namono na. Eigna gognarona ghotilo dedei nomi fara, ghotilo au kmana nomi buluka, sipu, nanigot, nei silva, nei gol, nei bras, nei aean, nei jaola kmana nomi pohe. Ghotilo hata glepo teke uludi ghotilo ka magra ka nomi naoka ra, eghuteuna tufa ka vikemi ghotilo are.” Eghuteuna kate cheke te gnafa ka mare na, mare neke pulo ka namono. Tifa na, Moses neke snakre tei glose ka vido gaga vikegna Manase, eghuteuna glose igne te au ka rijon Basan ke maghati ka keha phile Khoꞌu biꞌo Jordan. Nu ke leghu na, Josua neke tusu lao glose ka keha vido gaga vike igne, ka keha phile ke mosu Khoꞌu biꞌo Jordan, ka namono aheva teke aula keha vikere.

Josua 14:13

Mae Josua nomhini nogna cheke mana igne ne fablahini mae Kaleb, aonu mae Josua ne snakre lao ka mana namono Hebron.

Jenesis 27:7

‘Hata mei kaisei bosu mala kuki mala ghamu iara. Eghuteuna iara ginauna na tusu ari nogu fablahi leghu lahu na ke ulugna Lord ame lehe nga iara eghu.’

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 27:31

Mae Iso ne jaola ne kuki keha gano mamahe ne hata ne tei ka mae kmagna na. Aonu mana ne cheke eghu, “Mama, gnokro haghe mala ghamu keha gano mamahe tela hata tela mei iara igre mala nu tangomana iagho te fablahi ghau iara na eghu.”

Jenesis 27:27

Aonu mae Jekop pogho soru ne gnanghoni mae kmagna na. Kate haimini sisirigna nogna pohe mae Iso te pipichi teu mae Jekop gne, mana ne toreni Lord mala fablahini mae Jekop. Mae Isak ne cheke eghu, “Sisirigna mae thugu iara gne jateula sisirigna nagare teke fablahi Lord ia eghu.

Jenesis 27:23

Mae Isak gne theome laseni ne mae Jekop teuna, naugna khamegna mana gre neke fruta jateula khamegna mae Iso neku. Aonu mae Isak ne magnahaghei te fablahini mae Jekop.

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jenesis 27:5

Aonu Rebeka ne nomhini mae Isak te cheke ka Iso, mae thugna na igne. Ke leghugna tela jifla tela teihi mae Iso mata te mala tei hili ghegna bosu mae kmagna na,

Jenesis 27:9

Iagho tei ka bara gno mala hata mei phei nanigot majaghani. Iara ginauna kuki gano igne jateula te magnahaghei ghamu ni fara kmamu na eghu.

Jenesis 27:14

Aonu mae Jekop ne tei hata phei nanigot ne hata ne mei ka idogna na. Eghuteuna Rebeka ne kuki gano igne ka nafnata te magnahagheni fara kmagna mae Jekop na.

Jenesis 27:17

Aonu Rebeka ne gahu gano te mamahe igre nei keha bret eghu ne tusu lao ka mae Jekop.

Jenesis 27:19

Mae Jekop ne cheke eghu, “Iara mae Iso, mae thumu biꞌo lahu iagho ia. Iara la tarabanahi gano teke chekedi iagho ra. Gnokro haghe sagho mala ghamu katha gano ka teke tei hata iara mata malamu iagho teku igre. Eghuteuna iagho toreni God mala fablahi ghau iara eghu.”