Jenesis 27:39 - Buka Blahi Ka Cheke Holo

³⁹ Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu.

Jenesis 27:39 ပူးပေါင်းရင်းမြစ်များ

Jenesis 27:28

Iara toreni God mala snakre mei nakhete ka maloa gne mala soru mei mala fabuabublani u glose gne mala bruara gano mana ka nou nagare iagho gre. Iagho ginauna na kmana gheu wit nei waen.

Hibru 11:20

Mae Isak neke fatutuani ni God. Naugna igne mana neke fablahidi mae Jekop ghe mae Iso eidi unha nate thoke mei ka nakarhadi phiamare nathuꞌu nauriha na.

Josua 24:4

eghuteuna ke leghu na, Isak ne fakarhidi Jekop ghe Iso. Iara neke snakre lao ka Iso thogele Idom. Nu kuꞌemi ghotilo Jekop baludi thugna re mana soru neke au Ijep.

Jenesis 33:9

Nu mae Iso ne cheke eghu, “Thabusigna, iara la au nogu glepo kmana hi. Tathajiu sagho malamu themu.”

Diutronomi 33:13

Vikegna mae Josep, snakreni Lord mala fablahini nomi glose ghotilo na. Snakreni mana mala kuru soru nakhete ka glose igne nei mala fura haghe glokha khoꞌu tagna.

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Jenesis 27:27

Aonu mae Jekop pogho soru ne gnanghoni mae kmagna na. Kate haimini sisirigna nogna pohe mae Iso te pipichi teu mae Jekop gne, mana ne toreni Lord mala fablahini mae Jekop. Mae Isak ne cheke eghu, “Sisirigna mae thugu iara gne jateula sisirigna nagare teke fablahi Lord ia eghu.