Jenesis 27:38 - Buka Blahi Ka Cheke Holo

³⁸ Nu mae Iso ne ghusna eghu ka mae kmagna na, “Ba, mama, neke kaisei fablahi kolho ngala si teke au ka iagho na ia? Mama, iagho toreni God mala fablahi ghaula iara!” Mae Iso ne cheke eghu ne tanhi fabiꞌo.

Jenesis 27:38 ပူးပေါင်းရင်းမြစ်များ

Hibru 12:17

Ghotilo laseni igne, ke leghugna mae Isak te fablahini mae Jekop na, mae Iso magnahagheni mae kmagna na te fablahini. Nu neuba ne tanhi fabiꞌo mana ka mae kmagna na mala fablahini neu, mae kmagna na ne tirognani mana. Eghuteuna mae Iso theome tangomana te filoni kaisei puhi te mala tughu najafra teke eni mana na.

Jenesis 27:34

Kate nomhi mae Iso cheke te eni mae kmagna na igne, mana tanhi fabiꞌo ne cheke eghu, “Mama, fablahi ghau, iara la ngau eghu mama!”

Profet Isaia 65:14

Nogu mae gloku iara re ginauna glealeꞌa nei koje eghu, nu ghotilo ginauna na thofno diꞌanagnafa nei tanhi eghu.

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Jenesis 27:36

Mae Iso ne cheke eghu, “Igne fapea fata te chaghi ghau iara mana te kegra tughu ghau iara na. Eghume nangha Jekop teu igne thofno horoghoto fara ngala ka mana eghu, naugna gaoghathogna Jekop teu igne, ‘Mae chaichaghi’ eghu. Ido neke kulu fakarhi ghau iara, nu mae Jekop la kegra tughu ghauhi iara. Eghuteuna gognaro gne mana la hata fadeleihi nogu fablahi iara na eghu. Unha eghu mama, theo hila kaisei fablahi te sala'ui teu te malagu iara na?”

Ululahu Samuel 11:4

Aonu mare tei ne toutonu nonomho igne Gibea, ka namono aheva te au teu mae Sol. Kate nomhini igne, naiknore ne diꞌanagnafadi fara ne tanhi fabiꞌo.