Jenesis 27:33 - Buka Blahi Ka Cheke Holo

³³ Mae Isak ne rhana nogna fara ne fififri tongana thinigna na ne cheke eghu, “Tore, mae ihei si tela hata gano tela mei hi ka iara tela ghamuhi iara kani theome mei nga teku iagho tela fablahini hi iara ia? Eghuteuna fablahi igne ginauna au fabrahu hi ka mana tifa e tifa.”

Jenesis 27:33 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Hibru 11:20

Mae Isak neke fatutuani ni God. Naugna igne mana neke fablahidi mae Jekop ghe mae Iso eidi unha nate thoke mei ka nakarhadi phiamare nathuꞌu nauriha na.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Jone 10:10

Mae nablau na mei kolho mala blau nei falelehe nei mala lalamadi eghu kolho naiknore. Nu iara gne mei mala tufa ka mare u thofno karha te theo ka huigna na. U nafnata karha te fodu kau glepo te keli.

Nodi Khoje Hatimare Mae Jiu 55:5

Uve, iara thono mhaghu nogu fara nei thinigu na thono nigra fara. Namhagu na fapari ghau iara.

Thoutonu Eigna Mae Job 37:1

“Kate ghathoni iara igne, nagnafagu iara na nghali tongana jateula khoburu eghu. Uve, kroukrofu fara.

Thoutonu Eigna Mae Job 21:6

Iara jaola mhaghu nei rhana eghu ka glepo te thoke ghau iara igre.

Jenesis 25:23

Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Jenesis 27:35

Nu mae Isak ne cheke eghu ka mana, “Mae tahimu iagho na neke mei chaghi ghau iara la atha hi mana nou fablahi iagho na.”

Jenesis 28:1

Aonu mae Isak ne ehani mae Jekop ne fablahini mana. Mana ne cheke eghu faheta ka mae Jekop, “Thuguo, iagho mala thosei tolaghi ka kaisei gaꞌase gna agne Kenan. Theo.

Naba 23:20

Uve, mana neke cheke ghau iara mala fablahidi naiknodi Israel. Aonu God ne fablahidi mare, eghuteuna iara theome tangomana teke lhotini nogna fablahi mana na.