Jenesis 27:29 - Buka Blahi Ka Cheke Holo

²⁹ Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Jenesis 27:29 ပူးပေါင်းရင်းမြစ်များ

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Letas Teke Riso Tei Mae Pol Ka Khiloau Rom 9:12

God neke cheke eghu ka Rebeka, “Thumu nalhaꞌu iagho teke kulu karha na mala loku ranghini mae thumu nalhaꞌu iagho teke karha ke leghu na.” Ka puhi igne God teke theome vahini mae Jekop leghuni unha te keli teke eni mae Jekop na, nu vahini mana leghuni nogna gaoghatho thegna na.

Profet Isaia 45:14

Nodi dedei biꞌo naiknodi Ijep nei Kus teu igre ginauna mala nou iagho, maedi Seba te brahu igre ginauna mala nou sneka iagho. Mare ginauna babaꞌo chen mala leghu nigho iagho. Mare ginauna tarai pogho soru ka iagho, mare na cheke eghu eha fabiꞌo, ‘Kaisei God ngala te au balumu iagho na, theo kaisei god ahevanga te au na!’ ” Igne chekegna Lord mae ihei te au nolaghi fateote'o na.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 72:8

Te keli na jame mana king ka kantri te gnafa gre, funu ke maghati tei posa ke mosu. Uve, funu ka Khoꞌu biꞌo Iufretis tei posa ka namono te gnafa ka nauthoglu igne.

Ululahu Kings 22:47

Ka narane igre, kantri Idom igne theo nodi king, aonu King Jehosafat ne vahini kaisei mae biꞌo mala funei fruni ni kantri Idom.

Naba 23:8

Faꞌunha eghu tangomana tibridi iara mare te theome tibridi God naikno igre? Eghuteuna faꞌunha eghu tangomana cheke fadiꞌadi iara mare te theome cheke fadiꞌadi Lord naikno igre?

Jenesis 37:7

Kate au teu tahati ka nagare na tahati ne haru fodu wit re, eghuteuna u phala teke haru iara na ne kegra haghe ne kegra fadoglo. Eghuteuna nomi phala ghotilo te kegra faligohoni nogu phala iara na ne kafe pogho soru pha'udire pari ka nogu phala iara na.”

Jenesis 27:37

Mae Isak ne cheke eghu ka mae Iso, “Iara la tusu laohi ka mae Jekop u nolaghi te mala funei fruni nigho iagho na, eghuteuna hatimare mae thabusigna mana gre mala nogna mae gloku mana. Eghuteuna te chekeni iara ka mana na, mana ginauna na au kmana ghegna wit nei waen eghu. Eghume theo hila kaisei glepo te salaꞌui te mala tusu ari iara tamu na eghu sia thuguo.”

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Matiu 25:45

“Iara mae King na ginauna cheke eghu ka mare, ‘Tutuani fara te chekeni iara ka ghotilo na. Kate tiromi toghoni ghotilo kaisei nogu naikno iara te au pari lahu ka igre na, ghotilo jateula te tiromi togho ghau iara eghu.’

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Ululahu Kronikols 5:2

Neuba vikegna mae Juda igne ne rheta salaꞌudi keha vikegna mae Israel igre, eghuteuna king gna Israel na jifla mei ka vikegna mae Juda, nu vikegna mae Josep gne neke hata nogna nolaghi mae teke kulu karha na.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Jenesis 25:33

Nu mae Jekop ne cheke eghu, “Uve, ulu lahu na iagho na cheke kate tutuani ka iara nate tusu mei iagho nolaghi igne ka iara na.” Aonu mae Iso ne cheke kate tutuani ne tusu lao ka mae Jekop nogna nolaghi na.

Jenesis 9:27

Iara toreni God mala fabruaradi thugna mae Jafet gre ginauna, eghuteuna thugna mae Jafet igre ginauna mala kaisei ngala baludi thugna mae Sem gre. Eghuteuna thugna mae Kenan re ginauna mae sneka kolho ka mae Jafet.”

Jenesis 27:30

Katha vido kmo'ei ke leghugna tela gnafahi mae Isak fablahini mae Jekop tela jifla tela teihi mae Jekop igne na, mae Iso tighagna mana na ne posa mei funugna mhata.

Jenesis 27:40

Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”

Jenesis 37:10

Mana jaola ne toutonu ka mae kmagna na u mifi igne. Mae kmagna na ne theome magnahagheni u nafnata thoutonu te eni mana igne ne cheke eghu, “Unha nafnata mifi na site eni iagho ignea? Iara nei idomu gne nei mae thabusimu iagho igre teuna theome tangomana te pogho soru ke ulumu iagho na.”

Naba 24:18

Naiknodi Idom gre ginauna jifla kokoni nodi vido thedi na. Eghuteuna leuleghu fata na, naiknodi Israel gre ginauna uludi fabrahu nodi mae naoka re.

Profet Isaia 60:12

Nu iara ginauna goigonidi kantri te theome mei loku ranghi ghami ghotilo igre.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’