Jenesis 27:28 - Buka Blahi Ka Cheke Holo

²⁸ Iara toreni God mala snakre mei nakhete ka maloa gne mala soru mei mala fabuabublani u glose gne mala bruara gano mana ka nou nagare iagho gre. Iagho ginauna na kmana gheu wit nei waen.

Jenesis 27:28 ပူးပေါင်းရင်းမြစ်များ

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Diutronomi 33:13

Vikegna mae Josep, snakreni Lord mala fablahini nomi glose ghotilo na. Snakreni mana mala kuru soru nakhete ka glose igne nei mala fura haghe glokha khoꞌu tagna.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Fapea Samuel 1:21

“Uve, ginauna theo kaisei nakhete ba kaisei nabubla nate soru mei ke kligna Thogele Gilboa. Eghuteuna nagare ka Thogele Gilboa are ginauna theo ganodi! Nodi greoreo phei mae nhetara la diꞌahi. Uve, theo kaisei mae nate tarabana nogna greoreo mae Sol te mala tei ka magra na.

Diutronomi 32:2

Nogu farirhiu iara na ginauna soru mei jateula nakhete eghu, ginauna mei jateula nabubla bongiro eghu. Nogu cheke iara na jateula nakhete ikoi ka nagare majaghani ra eghu, jateula famane nakhete te mala kotu buburu ra eghu.

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Profet Joel 2:19

Lord ne fanomho ka nodi tharai naiknore ne cheke eghu, “Iara ginauna tusu ari kmana gano, waen nei oliv oel eghu ka ghotilo mala keli tami ghotilo. Eghuteuna naiknodi keha kantri igre ginauna theome tangomana nate cheke fadiꞌa ghami ghotilo na.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Hibru 11:20

Mae Isak neke fatutuani ni God. Naugna igne mana neke fablahidi mae Jekop ghe mae Iso eidi unha nate thoke mei ka nakarhadi phiamare nathuꞌu nauriha na.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Fapea Kronikols 2:10

Iara tangomana te folidi nou mae gloku iagho are ka kaisei gobi phiatutu glima thogha baeg wit biꞌo, nei kaisei gobi phiatutu glima thogha baeg bali biꞌo, nei fati gobi phiatutu thogha lita waen, nei fati gobi phiatutu thogha lita oliv oel.”

Ululahu Kings 5:11

Leuleghu finogha na, King Solomon fatei kaisei gobi namnosalei thogha baeg wit te biꞌo, eghuteuna fati gobi thogha lita oliv oel eghu ka mae Hiram.

Jenesis 49:20

“Iagho mae Asa ia, gano re ginauna vuragha fara ka vido aheva nate au soru iagho na. Iagho ginauna na gahu kmana nafnata gano te magnahaghedi fara mae funei re.

Jenesis 45:18

Chekedi mare mala hata mei mae kmadi na nei tharaknadi teure mala ke pulo mei ka iara agne. Iara ginauna na vahini kaisei vido te keli agne mala au mare. Eghuteuna mare ginauna karha kmana ghedi gano te mala ima na ka vido tuana.

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Naba 13:20

Ba faꞌunha ngau glose na keliu mala jaꞌi gano na ba theo? Ba au gaju ngau ba theo? Eghuteuna kate pulo na ghotilo ginauna atha mei keha sisi grep ka vido tuana eghu.” Naugna jare na la thokeni hila nhigra te vuha muita sisi grep re.

Jenesis 27:39

Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu.

Jenesis 27:37

Mae Isak ne cheke eghu ka mae Iso, “Iara la tusu laohi ka mae Jekop u nolaghi te mala funei fruni nigho iagho na, eghuteuna hatimare mae thabusigna mana gre mala nogna mae gloku mana. Eghuteuna te chekeni iara ka mana na, mana ginauna na au kmana ghegna wit nei waen eghu. Eghume theo hila kaisei glepo te salaꞌui te mala tusu ari iara tamu na eghu sia thuguo.”

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Proveb 3:20

Eghuteuna Mana neke chekeni khoꞌu na neke fura haghe ke lamna glose, eghuteuna chekeni nakhete na neke soru mei funugna ka khoveo.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.