Jenesis 27:27 - Buka Blahi Ka Cheke Holo

²⁷ Aonu mae Jekop pogho soru ne gnanghoni mae kmagna na. Kate haimini sisirigna nogna pohe mae Iso te pipichi teu mae Jekop gne, mana ne toreni Lord mala fablahini mae Jekop. Mae Isak ne cheke eghu, “Sisirigna mae thugu iara gne jateula sisirigna nagare teke fablahi Lord ia eghu.

Jenesis 27:27 ပူးပေါင်းရင်းမြစ်များ

Hibru 6:7

Keha naiknore jateula u glose te soru nakhete fabrahu tagna ia eghu. Glose tuana karha gano te keli mala toghodi naikno te loku tagna na, gaoghathogna igne naugna God neke fakelini u glose igne.

Nodi Khoje Hatimare Mae Jiu 65:10

Iagho snakre mei kmana nakhete ke klignadi nagare, teke joꞌuni naiknore mala bothu glose na. Uve, iagho neke eni glose na neke fapila mala karha kmana gano eghu.

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Hibru 11:20

Mae Isak neke fatutuani ni God. Naugna igne mana neke fablahidi mae Jekop ghe mae Iso eidi unha nate thoke mei ka nakarhadi phiamare nathuꞌu nauriha na.

Famane Khoje 2:13

Gognarona sisidi gaju fig igre jaola funu muita, eghuteuna tapa gnanghidi sisidi grep te famane siri kelidi fara igre. Kheraguo, mei! Uve, ari tapa.”

Jenesis 27:15

Rebeka hata nogna famane pohe mae Iso ra ne falalaoni ni mae Jekop.

Jenesis 27:26

Mae Isak ne cheke eghu, “Thuguo, fanamo mei sagho pogho soru agne mala gnangho ghau iara mala haimini iara sisirimu iagho na.”

Jenesis 48:10

Ka narane igne phei tathagna mae Jekop re la dofu hi naugna mana la mae khueku'e fara hi. Aonu mae Josep hata ne mei phei mae thugna re rhegna mana. Mae Jekop ne loku ka khamedi phia mae sitei re ne gnanghodi phia mare.

Diutronomi 33:13

Vikegna mae Josep, snakreni Lord mala fablahini nomi glose ghotilo na. Snakreni mana mala kuru soru nakhete ka glose igne nei mala fura haghe glokha khoꞌu tagna.

Jenesis 27:39

Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu.

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.