Jenesis 27:19 - Buka Blahi Ka Cheke Holo

¹⁹ Mae Jekop ne cheke eghu, “Iara mae Iso, mae thumu biꞌo lahu iagho ia. Iara la tarabanahi gano teke chekedi iagho ra. Gnokro haghe sagho mala ghamu katha gano ka teke tei hata iara mata malamu iagho teku igre. Eghuteuna iagho toreni God mala fablahi ghau iara eghu.”

Jenesis 27:19 ပူးပေါင်းရင်းမြစ်များ

Profet Isaia 28:15

Naugna ghotilo neke chekeni te ghotilo neke eni kaisei nhaꞌa cheke balugna Glehe, eghuteuna ghotilo jaola neke nhaꞌa cheke balugna Beku. Eghume te ghathoni ghotilo na ghotilo ginauna na theome tangomana te lehe na jame te thoke ghami puhi biꞌo na, naugna ghotilo rouronudi nomi cheke chaichaghi nei saosagro teu are nate fakarhi ghami na.

Ululahu Kings 14:2

Aonu mae Jeroboam ne cheke eghu ka khetogna na, “Iara magnahaghei nigho iagho te lalaoni ka keha nafnata pohe te nhogri mala theome filo glani nigho mare te khetogna King Jeroboam teuna. Eghuteuna iagho tei Saelo mala filoni Profet Ahaeja. Mae tuana ngala teke vahi ghau iara te mala king gna Israel teku na.

Jenesis 27:21

Mae Isak ne cheke eghu ka mae Jekop, “Fanamo mei sagho thuguo mala tangomana iara te habo nigho na. Iagho mae thugu biꞌo lahu iara, Iso, ba theo?”

Jenesis 27:4

Iagho hata mei kuki nafnata gano te mamahe te magnahaghedi iara re. Hata mei mala ghamu iara. Eghuteuna iara ginauna tusu ari ka iagho nogu fablahi leghu lahu na ame lehe nga iara eghu.”

Jenesis 25:25

Mae teke kulu karha na thinigna na ne ukru, eghuteuna thinigna thongana na ne fruta. Aonu repa ne kiloni mana Iso. Naugna mana ne fruta fara.

Ululahu Kings 13:18

Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Jenesis 25:28

Mae Isak gne neke magnahagheni mae Iso fara naugna mana magnahaghei te ghamu bosu mata ka mae Iso. Nu Rebeka magnahagheni fara mae Jekop.

Jenesis 27:18

Mae Jekop hata ne tei ka mae kmagna na ne cheke eghu, “Mama.” Mae kmagna na ne cheke eghu, “Hoe, iagho mae ihei sia thuguo?”

Jenesis 27:31

Mae Iso ne jaola ne kuki keha gano mamahe ne hata ne tei ka mae kmagna na. Aonu mana ne cheke eghu, “Mama, gnokro haghe mala ghamu keha gano mamahe tela hata tela mei iara igre mala nu tangomana iagho te fablahi ghau iara na eghu.”

Jenesis 27:35

Nu mae Isak ne cheke eghu ka mana, “Mae tahimu iagho na neke mei chaghi ghau iara la atha hi mana nou fablahi iagho na.”

Jenesis 27:45

mala gnafa ghu ka gaoghathogna na puhi teke eni iagho ranghini mana igne. Eghuteuna ke leghugna igne iara ginauna na kuruni kaisei mae mala ke ari cheke nigho iagho mala ke pulo mei agne. Iara theome magnahaghei ghami ghopa phei thugu gre te tei koko ghau iara kaisei narane na!”