Jenesis 27:1 - Buka Blahi Ka Cheke Holo

¹ Kate la kueku'ehi tela dofuhi mae Isak phei tathagnare, mana ne ehani mae Iso, mae thugna ulu lahu na ne cheke eghu ka mana, “Thuguo.” Mae Iso ne cheke eghu, “Hoe, iara au teu ao.”

Jenesis 27:1 ပူးပေါင်းရင်းမြစ်များ

Jenesis 48:10

Ka narane igne phei tathagna mae Jekop re la dofu hi naugna mana la mae khueku'e fara hi. Aonu mae Josep hata ne mei phei mae thugna re rhegna mana. Mae Jekop ne loku ka khamedi phia mae sitei re ne gnanghodi phia mare.

Ululahu Samuel 3:2

Eghuteuna jaola ka narane igre, mae Eli la kuekuꞌehi, eghuteuna phei tathagna re la diꞌahi, la theome tangomana hi te fifilo na. Kaisei bongi mana thuru neu ka nogna chogho na,

Jone 9:3

Mae Jisas ne cheke eghu ka mare, “Theo, dofu mana tuana theome nakhibogna mana nei theome nakhibodi idogna kmagna manare eghu. Dofu tuana thokeni mana mala filoi naiknore gloku nate eni God ka mana na.

Eklesiasti 12:3

Ka narane tuare khamemi ghotilo are ginauna theome nheta nei fififri eghu. Eghuteuna ghahemi ghotilo are ginauna nigra, na theome nheta te mala nonolo na. Kheꞌimi ghotilo are ginauna na jaola brusu, eghuteuna phei thiloi kolho nate au na. Eghuteuna tathami ghotilo are ginauna na jaola diꞌa na theome filo fakeli.

Jenesis 25:33

Nu mae Jekop ne cheke eghu, “Uve, ulu lahu na iagho na cheke kate tutuani ka iara nate tusu mei iagho nolaghi igne ka iara na.” Aonu mae Iso ne cheke kate tutuani ne tusu lao ka mae Jekop nogna nolaghi na.

Diutronomi 34:7

Mae Moses neke thokeni kaisei gobi varadaki finogha neke lehe nga. Mana nheta fabrahu, eghuteuna tathagnare jaola keli kolho.

Ululahu Kings 14:4

Aonu khetogna mana na leghuni igne ne tei Saelo ka sugagna mae Profet Ahaeja. Gognaro na mae Ahaeja gne la khuekuꞌe farahi, eghuteuna phei tathagna re la dofuhi.