Jenesis 26:31 - Buka Blahi Ka Cheke Holo

³¹ Hamerane boibongi ka keha narane na, mare kegra haghe ne eni kaisei nhaꞌa cheke fari hoteidi thedi. Aonu ke leghugna igne mare te hui na neke fofodu fakeli.

Jenesis 26:31 ပူးပေါင်းရင်းမြစ်များ

Hibru 6:16

Kate nhaꞌa cheke na, mare nhaꞌa cheke ka nanghagna mae ihei te fnakno ke uludi thedi. U nhaꞌa cheke igne falalaseni ka naiknore nodi nhaꞌa cheke na thofno tutuani fara te mala fanograni nafnata cheke te mala magra na.

Ululahu Samuel 30:15

Mae Devet ne ghusna eghu ka mana, “Ba, iagho tangomana te atha ghami ghehati te tei ka vido aheva te au teu mare na?” Mana ne cheke eghu, “Uve, iara tangomana jame te nhaꞌa cheke iagho ka nanghagna God te mala thosei falehe ghau iara na, eghuteuna thosei ke snakre fapulo ghau iara ka nogu funei na teuna, iara ginauna na atha ghami ghotilo tei.”

Jenesis 31:44

Eghume tapa na eni kaisei nhaꞌa cheke te mala togho ghita te mala ghathoni teuna.”

Jenesis 25:33

Nu mae Jekop ne cheke eghu, “Uve, ulu lahu na iagho na cheke kate tutuani ka iara nate tusu mei iagho nolaghi igne ka iara na.” Aonu mae Iso ne cheke kate tutuani ne tusu lao ka mae Jekop nogna nolaghi na.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Jenesis 31:55

Hamerane boibongi ka keha narane na, mae Laban ne kubaedi nei fablahidi neu thugna gaꞌase nei gragna teure neke jifla neke pulo ka namono gna na.

Jenesis 22:3

Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Jenesis 21:23

Eghume iagho mala nhaꞌa cheke ke ulugna God te mala thosei chaghi ghau iara ginauna ba thugu iara gre, ba gragu iara gre. Iagho mala lolokeli ghau iara nei iheire la ngau eghu te au ka kantri te mei au teu iagho igne, jateula teke eni iara ka iagho tifa ia eghu.”

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 19:2

Mana ne cheke eghu, “Phia mae biꞌo, ghopa mei ka nogu suga iara nomi mae gloku gne. Ghopa na kulu titihi gahemi are leghuni noda kastom tahati ia, eghuteuna bongi na ghopa na thuru agne ka sugagu iara gne. Eghuteuna hamerane nathuꞌu ame ke tei nga ghopa eghu.” Aonu phei engel re ne cheke eghu ka mana, “Theo. Ghepa gne ginauna na thuru ngala agne ka glalabagna namono igne.”

Jenesis 14:22

Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’

Jenesis 21:27

Aonu mae Ebraham ne hata keha sipu nei buluka eghu ne tusu lao ka mae Abimelek, aonu phiamare ne eni kaisei nhaꞌa cheke.

Jenesis 26:32

Ka narane tuana nogna mae gloku mae Isak gre neke mei toutonu ka mana eigna u khoꞌu seu teke dokha mare na. Mare ne cheke eghu ka mana, “Ghehati filonihi khoꞌu na ka seu tuana.”