Jenesis 26:28 - Buka Blahi Ka Cheke Holo

²⁸ Thilo mare ne cheke eghu ka mae Isak, “Gognaro na ghehati la lase nigho iagho, eigna Lord na au balumu iagho. Eghuteuna ghehati magnahaghei te mei te mala eni kaisei nhaꞌa cheke balumu iagho. U nhaꞌa cheke igne na cheke eghu,

Jenesis 26:28 ပူးပေါင်းရင်းမြစ်များ

Profet Isaia 61:9

Vike te gnafa ka keha kantri igre ginauna lasedi nogu naikno iara igre, eghuteuna ginauna na jaola lasedi iheire nate karha mei thogheiro. Iheire fateo te filodi naikno igre ginauna lase ghau iara Lord teke fablahidire.”

Profet Isaia 45:14

Nodi dedei biꞌo naiknodi Ijep nei Kus teu igre ginauna mala nou iagho, maedi Seba te brahu igre ginauna mala nou sneka iagho. Mare ginauna babaꞌo chen mala leghu nigho iagho. Mare ginauna tarai pogho soru ka iagho, mare na cheke eghu eha fabiꞌo, ‘Kaisei God ngala te au balumu iagho na, theo kaisei god ahevanga te au na!’ ” Igne chekegna Lord mae ihei te au nolaghi fateote'o na.

Josua 3:7

Lord ne cheke eghu ka mae Josua, “Gognarogne, iara ginauna fafnaknoni nanghamu iagho na ka tathadi naiknodi Israel, mala laseni naiknore te au fabrahu iara balumu iagho na, jateula teke au fabrahu iara balugna mae Moses tifa ia eghu.

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Hibru 6:16

Kate nhaꞌa cheke na, mare nhaꞌa cheke ka nanghagna mae ihei te fnakno ke uludi thedi. U nhaꞌa cheke igne falalaseni ka naiknore nodi nhaꞌa cheke na thofno tutuani fara te mala fanograni nafnata cheke te mala magra na.

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Profet Isaia 61:6

Naikno te gnafa igre ginauna lase ghami ghotilo te nogna pris Lord, eghuteuna ghotilo nogna mae gloku mana. Ghotilo ginauna atha nodi glepo te keli keha kantri are, eghuteuna ghotilo ginauna gleale'a, naugna ghotilo ne khotodi nodi dedei mare re.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Fapea Kronikols 1:1

Solomon thugna King Devet mana kaisei king te thofno nheta fara, naugna nogna Lord God na au balugna mana ne tusu ranghini nolaghi biꞌo.

Jenesis 24:41

Uve, jare na kaisei nabrou kolho te mala snagla iagho ka nhaꞌa cheke igne. Jame te tei iagho te theome snakreni mare ka iagho kaisei gaꞌase malagna mae thugu iara na, iagho ginauna na snagla nou ka nhaꞌa cheke igne.’

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Jenesis 31:44

Eghume tapa na eni kaisei nhaꞌa cheke te mala togho ghita te mala ghathoni teuna.”

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Ululahu Samuel 11:1

Ka narane tuana, King Nahas gna kantri Amon ne haghe balu nogna soldia ka nohi Gilead, aonu mare mei ne kegra faligohoni namono Jabes tarabana mala magra. Nu naiknogna namono igne ne cheke eghu ka King Nahas, “Ghehati magnahaghei ghita tahati te eni kaisei nhaꞌa cheke gognarogne, jame te theome mei ghotilo te magra balumi ghehati na, ghehati ginauna snakre ghami ghotilo mala funei fruni ghami ghehati.”

Ululahu Samuel 18:28

Mae Sol ne filo glani Lord te au balugna mae Devet na, eghuteuna thugna mana Mikal igne ne thofno namhani fara mae Devet.

Fapea Kronikols 15:9

Tifa na, kmana naikno jifla ka thilo nohi Efrem, nei Manase, nei Simion, neke mei au balugna mae Asa Juda. Mare mei naugna mare filoni Lord te au balugna mana. Aonu mana ne kilodi mae igre baludi naikno di Juda nei Benjamin mala kafe mei.