Jenesis 26:25 - Buka Blahi Ka Cheke Holo

²⁵ Aonu mae Isak ne titili ka thina kaisei olta ka vido igne ne cheke fakelini nanghagna Lord na jare. Gnafa teuna mana ne hohoro haghe kaisei nogna suga tapuale ka vido tuana eghuteuna nogna mae gloku mana re ne dokha kaisei khoꞌu seu jare.

Jenesis 26:25 ပူးပေါင်းရင်းမြစ်များ

Nodi Khoje Hatimare Mae Jiu 116:17

Iara ginauna fafara mala tegio ka iagho. Uve, iara ginauna tarai ka iagho mala tegio nigho.

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Jenesis 35:1

God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 22:9

Kate posa lao phia mare ka vido aheva teke chekeni God na, jare mae Ebraham ne titili ka thina kaisei olta ne lilisei gaju ke kligna gna. Mana ne haru phei khamegna mae Isak re ka gnarho ne fathuru lao ke klignadi gajure ka olta na.

Jenesis 13:4

Igne ka vido aheva teke hohoro kaisei olta mae Ebram tifa ia. Aonu mana ne pogho soru ranghini Lord jare.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Jenesis 4:26

Mae Set jaola ne au kaisei thugna nalhaꞌu nanghagna na mae Enos. Ka narane tuare naiknore ne funu tarai ka Lord.

Jenesis 26:32

Ka narane tuana nogna mae gloku mae Isak gre neke mei toutonu ka mana eigna u khoꞌu seu teke dokha mare na. Mare ne cheke eghu ka mana, “Ghehati filonihi khoꞌu na ka seu tuana.”