Jenesis 26:20 - Buka Blahi Ka Cheke Holo

²⁰ Nu maedi Gerara te mala reireghidi sipu ka glogu tuana mare ne fapholai baludi mae te mala reireghi di nogna sipu mae Isak igre ne cheke eghu, “U khoꞌu seu igne nomi ghehati.” Aonu mae Isak ne kiloi khoꞌu seu igne, “Fapholai,” naugna mare neke fapholai balugna mana.

Jenesis 26:20 ပူးပေါင်းရင်းမြစ်များ

Jenesis 21:25

Mae Ebraham ne cheke eghu ka mae Abimelek eigna kaisei khoꞌu seu na la hatahi nogna mae gloku mana re, eghuteuna mare theome snakreni ka nogna mae gloku mae Ebraham gre te lao hata khoꞌu jare gognaro na.

Jenesis 26:19

Kaisei fata nogna mae gloku mae Isak igre mare neke dokha kaisei khoꞌu seu ka gloha te fuafura haghe teu khoꞌu na.

Jenesis 26:21

Aonu hatimare nogna mae gloku mae Isak gre mare neke dokha fapulo keha khoꞌu seu na, maedi Gerara gre jaola neke fapholai eigna igne. Aonu mae Isak ne kiloi khoꞌu seu igne, “Magra.”

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”