Jenesis 25:8 - Buka Blahi Ka Cheke Holo

⁸ Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Jenesis 25:8 ပူးပေါင်းရင်းမြစ်များ

Jenesis 49:33

Ke leghugna te cheke te gnafa ka mae thugna re, mana ne thuru fadoglo soru ka sape na ne lehe.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.

Jenesis 15:15

Ghema Ebram, iagho ginauna au blagna nou kate kueku'emu na ghilei lehe, eghuteuna mare ginauna na giugilui nigho iagho.

Thoutonu Eigna Mae Job 42:17

Kate lehe na, mana thono kuekuꞌe fara.

Jenesis 25:17

Mae Ismael gne neke karha neke thokeni kaisei gobi tolufulu fitu finoghagna neke lehe nga. Aonu tharungagna mana na neke tei au baludi tharungadi vikegna teke lehe tifa ra.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Proveb 20:29

Naiknore kelitadi ka mae majaghani te nheta thinigna na. Nu mare ghatho tahuni tulao mae biꞌo te nufa khaklagna na.

Thoutonu Eigna Mae Job 5:26

Iagho ginauna karha kelimu au ghilei kuekuꞌe fara, jateula sopho te famane kotu ka nagare na te ghilei thokeni narane te naba te mala ukli na ia eghu.

Jajis 8:32

Gidion kuekuꞌe fara ne lehe. Mare giugilu mana ka vido aheva teke giugilui mare kmagna mana Joas. Vido igne jare Ofra ka nogna glose vikegna Abiesa.

Jenesis 25:7

Mae Ebraham gne neke kaisei gobi fitu salei glima finoghagna.

Mae Khuru 5:10

Safira jaola ghosei ne khoko soru ke ulugna mae Pita ne lehe. Aonu mae majaghanire ruma mei ne filoni naꞌa tela lehehi na. Mare pala ne jifla kosi ne tei giugilui rhegna khetogna na.

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Profet Jeremaea 6:11

Iara gognarona jaola diꞌatagu fara ka mare, jateula teke diꞌatamu iagho, Lord, ka mare ra eghu. Eghume, iara theome tangomana te loku famaku ka nagnafagu na diꞌatagu igne.” Aonu Lord ne cheke eghu ka iara, “Iagho atha tei diꞌatagu iara igne mala toatofa ke klignadi goro sua te nolo tafri ka nabrou are, ba ka goro mae majaghani te khapru fodu teu, ba ka goro mae biꞌo nei khetodi, ba goro naikno biꞌo teu are mala kafe haimini te diꞌatagu iara na.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Naba 27:13

Kate gnafa filo iagho ka namono tuare, iagho ginauna lehe jateula mae thabusimu mae pris Eron teke lehe tifa ia eghu.

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Diutronomi 32:50

Iagho ginauna lehe jare ka thogele tuana, jateula thabusimu iagho Eron teke lehe ka thogele Hor.

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Ululahu Kronikols 23:1

Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.

Fapea Kronikols 24:15

Nu Jehoada neke thofno kuekuꞌe fara. Mana neke thokeni kaisei gobi tolufulu finogha gna neke lehe nga.

Thoutonu Eigna Mae Job 41:32

Eghuteuna kate tugha te tei ka thongna na, kmana galo haghe ke leghugna, jateula kaisei vaka te umhu te tei ka thongna ra eghu.