Jenesis 25:23 - Buka Blahi Ka Cheke Holo

²³ Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Jenesis 25:23 ပူးပေါင်းရင်းမြစ်များ

Jenesis 27:40

Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Ululahu Kronikols 18:13

Eghuteuna mae Abisae ne lilisei kmana soldia ka nogna tothoghei armi na mala reireghidi kmana namono Idom, eghuteuna kmana naiknodi Idom ne au ke parigna nogna nolaghi mae Devet. Ka vido aheva te tei magra mae Devet igre, Lord toghoni koba mana mala uludi magra tuare.

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Ululahu Kings 22:47

Ka narane igre, kantri Idom igne theo nodi king, aonu King Jehosafat ne vahini kaisei mae biꞌo mala funei fruni ni kantri Idom.

Jenesis 36:31

Ame au nga kaisei nodi mae king mae Israel gre teku na, mae igre neke king neke funei fruni ni namono Idom.

Jenesis 33:3

Mana thegna te tei ulu lahu ka jajagha na, eghuteuna kate tei te namo mana ka mae tighagna na, mana ne fitu fata pogho soru pari ka glose na ke ulugna mae Iso.

Jenesis 25:27

Kate biꞌo haghe phei mae sitei igre na, mae Iso gne neke kaisei mae lase hili fara. Mana neke tei tafri kolho neke theome au soru ka namono. Nu mae Jekop gne mana neke au kmu nei magnahaghei te au ka namono kolho.

Jenesis 17:4

“Iara na chekeni ka iagho unha nate eni iara ranghi nigho iagho na. Iagho ginauna mala kmadi naikno kmana.

Jenesis 32:6

Mae igre neke pulo mei neke cheke eghu ka mae Jekop, “Ghehati ne hata cheke ne tei posa ka mae tighamu Iso, eghuteuna mana gognaro na mei thafo nigho iagho fari hotei nabrou. Eghuteuna fati gobi mae na mei balugna mana.”

Jenesis 25:24

Kate thokeni narane te mala karha sua na, Rebeka ne fakarhidi phei thugna nalhaꞌu.

Jenesis 27:33

Mae Isak ne rhana nogna fara ne fififri tongana thinigna na ne cheke eghu, “Tore, mae ihei si tela hata gano tela mei hi ka iara tela ghamuhi iara kani theome mei nga teku iagho tela fablahini hi iara ia? Eghuteuna fablahi igne ginauna au fabrahu hi ka mana tifa e tifa.”

Diutronomi 2:4

Eghuteuna mana neke cheke ka iara mala cheke faheta eghu ka naiknore, ‘Ghotilo ginauna tei salaꞌu ka rijon Idom ka namono aheva te au kherami ghotilo teke vikegna mae Iso ra. Mare ginauna mhaghu ghami ghotilo. Eghume ghotilo famane ghaoghatho fakeli eghu.

Diutronomi 2:8

“Eghume tahati neke lithui neke tei ka nodi vido vikeda theda mae Iso. Eghuteuna tahati neke theome leghuni nabrou te tei fei Thongna Lehe ia nei phei namono Elat ghe Esion-Geba. Eghuteuna tahati tei neke posa ka namono nagou Moab.

Jenesis 27:37

Mae Isak ne cheke eghu ka mae Iso, “Iara la tusu laohi ka mae Jekop u nolaghi te mala funei fruni nigho iagho na, eghuteuna hatimare mae thabusigna mana gre mala nogna mae gloku mana. Eghuteuna te chekeni iara ka mana na, mana ginauna na au kmana ghegna wit nei waen eghu. Eghume theo hila kaisei glepo te salaꞌui te mala tusu ari iara tamu na eghu sia thuguo.”

Jenesis 48:19

Nu mae kmagna na tirogna ne cheke eghu, “Iara laseniu, thuguo, iara laseniu. Mae Manase gne ginauna na jaola kaisei vike biꞌo la ngau. Nu vikegna mae tahigna mana igne ginauna na kaisei vike biꞌo fara uluni vikegna mae Manase gne eghu. Eghuteuna goro sua nate karha mei ke leghu re ginauna kmana fara.”

Ululahu Samuel 17:14

Mae Devet karha leghu lahu. Thilo mae thabusigna igre au fabrahu balugna king ka magra,

Profet Obadaea 1:21

Maedi Jerusalem igre ginauna tei magra Idom mala hata nodi kantri mare na, eghuteuna mare ginauna funei frunidi mare. Eghuteuna iara Lord thegu ngala nate mae funei biꞌo na.