Jenesis 25:21 - Buka Blahi Ka Cheke Holo

²¹ Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Jenesis 25:21 ပူးပေါင်းရင်းမြစ်များ

Esra 8:23

Eghume ghehati theome ghamu, eghuteuna ghehati tarai heta ka God mala reireghi fakeli ghami ka nabrou, eghuteuna God ne nomhidi nomi tharai ghehati re.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Profet Isaia 58:9

Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,

Fapea Kronikols 33:13

Lord nomhini nogna tharai mana na ne kokhoni nognani, aonu Lord snakreni mana mala ke pulo funei fruni Jerusalem. Naugna igne King Manase thofno laseni te Lord ngala God na.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Ululahu Samuel 1:27

Iara neke toreni ka Lord sua igne, eghuteuna mana neke tusu mei unha teke toreni iara na.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Profet Isaia 45:11

Lord, nodi God te Blahi mae Israel, mae ihei teke vuavuha ghita tahati igne, mana neke cheke eghu, “Ghotilo theo nomi nolaghi te ghusna ghau iara eidi keha thugu iara gre! Eghuteuna ghotilo jaola theo nomi nolaghi te mala cheke ranghi ghau iara unha te mala eni iara na!

Proveb 10:24

Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Ululahu Samuel 1:2

Mae Elikana gne au phei khetogna, Hana ghe Penina. Penina gne au thugna, nu Hana gne theo thugna.

Jenesis 16:2

Aonu Sarai ne cheke eghu ka mae Ebram, “Iagho laseni igne, Lord na theome snakre ghau iara te mala au sua na. Eghume iagho tangomana te tei thuru balugna nogu gaꞌase gloku iara gne mala au kaisei thugu iara.” Mae Ebram ne leghuni nogna cheke Sarai na.

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Jenesis 30:22

Aonu God ne ghathoni Resel ne cheke tughuni nogna tharai naꞌa na ne fatangomanai naꞌa te mala au sua na.