Jenesis 25:20 - Buka Blahi Ka Cheke Holo

²⁰ Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 25:20 ပူးပေါင်းရင်းမြစ်များ

Jenesis 24:29

Mae Laban gne thabusigna Rebeka. Aonu mae Laban ne filodi u ring ka nehugna nei phei khome ka khamegna teure, nei Rebeka ne toutonu ka mana unha teke chekedi nogna mae gloku mae Ebraham. Aonu, mana jifla ne tei ne filodi mae igne nei nogna kamel re rhegna khoꞌu seu na.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 22:23

Mae Betuel gne neke kmagna Rebeka. Nhana mae igre neke karha ka Milka ghe mae Neho.

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Jenesis 31:20

Mae Jekop theome cheke ka mae Laban ne jifla neke pulo ka namonogna na teuna. Nu mana pophoru fara u gaoghatho igne ne megei nga ne jifla kolho.

Jenesis 31:18

Eghuteuna mana ne tei baludi nogna tothoghei sipu nei nanigot nei keha glepo la ngau eghu teke hata mana Mesopotemia re neke pulo ka mae kmagna Isak, ka kantri Kenan.

Luku 4:27

Aonu ka narane gna mae profet Elisa na kmana naiknodi Israel neke thubu biꞌo, khabru te kiloi leprosi. Nu mae profet Elisa neke theome fakelini kaisei naiknogna Israel. Nu kaisei mae Naman ka kantri Siria ngala teke fakelini mana na.”

Jenesis 35:9

Ke leghugna te jifla mae Jekop Mesopotemia teke pulo Kenan, God neke thaklei ka mana ne fablahini mana.

Jenesis 24:15

Kate theome gnafa nga teu mae gloku gne nogna tharai na, Rebeka ne mei funugna ka namono na pala ne mei kaisei botol ka fafragna na. Rebeka gne neke thugna gaꞌase mae Betuel. Eghuteuna mae Betuel gne neke thudi nalhaꞌu ngala Milka ghe Neho. Eghuteuna mae Neho gne neke thabusigna ngala mae Ebraham.

Jenesis 25:26

Kate karha mei fapea mae na mana ne loku famaku ka ghahegna mae Iso na. Aonu repa ne kiloni mana Jekop, naugna mana neke loku famaku ka ghahegna mae Iso na. Mae Isak gne neke namno salei finoghagna hi neke karha mei nga ka Rebeka phei mae te phakri igre.

Jenesis 28:2

Iagho mala tei Mesopotemia ka namono gna ku'emu Betuel, kmagna idomu iagho gne. Iagho mala tei hata kaisei gaꞌase jare Mesopotemia ka thugna mae Laban, thabusigna idomu themu gne.

Jenesis 28:7

Mae Iso jaola ne laseni mae Jekop te nomhidi chekedi idogna kmagna gre te tei Mesopotemia na.

Jenesis 33:18

Ke leghugna igne mae Jekop jifla Mesopotemia neke pulo ka kantri Kenan ka namono Sekem, ne hohoro nogna suga tapuale rhegna namono na.

Jenesis 35:26

Phei mae teke karha ka Silpa, nogna gaꞌase gloku Lea re neke mae Gad ghe mae Asa. Mae igre neke karha ka mae Jekop kani au neku mana ka namono Mesopotemia.

Jenesis 46:15

Igre mae sua nalhaꞌu teke karha ka mae Jekop ghe Lea re, mae Ruben nei mae Simion nei mae Livae nei mae Juda nei Isaka nei mae Sebulun. Mae nalhaꞌu igre neke karha Mesopotemia. Repa jaola neke au kaisei thugna gaꞌase, nanghagna na Daina. Thugna nei gragna teu Lea re neke tolufulu thiloi khaputudire.

Jenesis 27:43

Eghume, thuguo, leghuni unha te chekeni iara igne. Iagho tarabana mala rikha tei au balugna thabusigu iara Laban ka namono Haran.