Jenesis 25:13 - Buka Blahi Ka Cheke Holo

¹³ Igre teke nanghadi teke thugna nalhaꞌu mae Ismael re, funu ka mae teke kulu karha na posa ka mae teke karha leghu lahu na. Mae sitei nalhaꞌu teke kulu karha na neke mae Nebaeot, eghuteuna mae Keda, mae Adbel, mae Mibsam,

Jenesis 25:13 ပူးပေါင်းရင်းမြစ်များ

Profet Isaia 60:7

Mare ginauna atha mei famane sipu funu Keda nei Nebaeot, eghuteuna Lord ginauna kelitagna fara te atha te mei naiknore sipu igre te mala fafara ke kligna nogna olta Lord. Aonu Lord ginauna fafnaknoni nogna Sugablahi na, eghuteuna naikno te gnafa ka nauthoglu igne ginauna kilo fnaknoni mana.

Profet Isaia 42:11

Ghotilo naikno te au ka namono biꞌo ke lamna namono nagou ra, ghotilo kilo fnaknoni Lord. Ghotilo naiknomi ke maghati Keda ra, ghotilo kilo fnaknoni mana. Ghotilo naiknomi ka namono biꞌo Sela ra, ghotilo haghe ka thogele holo mala eha fabiꞌo balu glealeꞌa.

Famane Khoje 1:5

Goro gaꞌasedi Jerusalem, iara pipito, nu iara famane fara. Neuba iara ne pipito jateula suga tapuale ka namono nagou Keda ra neu, nu iara famane jateula famane pohe te mala horo nogna suga King Solomon te famane fara filogna ra eghu.

Nodi Khoje Hatimare Mae Jiu 120:5

Theome te keli ka iara naugna iara ne au ka vido igne. Naikno igre, mare thono diꞌa fara ne goigonidi keha naiknore.

Jenesis 36:3

Eghuteuna fatilo na Basemat, greghagna mae Nabaiot, thugna mae Ismael.

Jenesis 25:14

mae Misma, mae Duma, mae Masa,

Jajis 8:24

Eghuteuna mana ne cheke eghu, “Nu iara magnahaghei te toreni kaisei glepo ka ghotilo. Tusu mei dedenge teke hata ghotilo ka noda naoka tahati ra.” Nodi kastom naiknodi Midian te au baludi vikegna Ismael igre jaola fahaghe dedenge gol.

Profet Jeremaea 49:28

Lord neke tusu lao cheke igne ka vikedi mae Keda ghe mae Haso. Kaisei fata, King Nebukadnesa gna Babilonia balu nogna armi neke uluni mae Haso ka magra na. Eghuteuna Lord neke cheke eghu, “Ghotilo maemi Babilonia! Ghotilo tarabana mala tei magra ka vikegna Keda, eghuteuna roꞌedi iheire te au ke maghati!

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Jenesis 28:9

Aonu mana ne tei ka sugagna mae Ismael thugna mae Ebraham na ne hata fatilo gaꞌase na, nanghagna na gaꞌase igne Mahalat, thugna gaꞌase mae Ismael, greghagna mae Nebaeot.

Profet Jeremaea 2:10

Ghotilo atha vaka tei ke mosu Saeprus mala laseni puhidi mare na. Ghotilo neke kuruni kaisei mae neke tei ke maghati kantri Keda mala filoni puhidi mare na. Ba, unha nafnata puhi te keli nate tei filoni ghotilo jare na?

Profet Esikiel 27:21

“ ‘Maedi Arebia, nei mae funeidi Keda mare ei bisnis balumu iagho, naugna mare foli nou glepo te keli iaghore ka sua sipu, nei sipu nalhaꞌudi nei nanigot nalhaꞌudi.