Jenesis 24:7 - Buka Blahi Ka Cheke Holo

⁷ Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Jenesis 24:7 ပူးပေါင်းရင်းမြစ်များ

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Eksodas 33:2

Iara ginauna kuruni kaisei nogu engel mala batu ghami ghotilo. Eghuteuna iara ginauna khi fajifladi ka glose tuana vikegna Kenan, nei vikegna Amo, nei vikegna Het, nei vikegna Peris, nei vikegna Hivi, nei vikegna Jebus.

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Nodi Khoje Hatimare Mae Jiu 32:8

Lord ne cheke eghu, “Iara ginauna na farirhiu ka iagho puhi te keli te mala leghuni iagho na. Iara ginauna na tusu ari gaoghatho te keli ka iagho eghuteuna iara na reireghi nigho iagho.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Hibru 11:9

Mana ne fatutuani ni God. Eigna igne mana tei ne au jateula kaisei mae phosa neu ka vido teke nhaꞌa cheke God te mala au mana na. Mana neke au ka suga tapuale jateula mae Isak ghe mae Jekop neku. God neke jaola nhaꞌa cheke ka phiamare langau mala khotogna namono tuana.

Mae Khuru 7:5

Ka narane tuana God neke theome ke tusu lao kaisei vido glose ka mae Ebraham, thono theo fara, theo kaisei vido glose teke tusu lao God ka mana na. Nu neubane theo thugna ngau mae Ebraham, God neke nhaꞌa cheke ka mana nei naikno nate karha mei ka vikegna mana igre te mala khotogna namono igne ginauna.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Nodi Khoje Hatimare Mae Jiu 103:20

Ghotilo engel, mae te nheta nei nolaghi teu te leghudi nei fanomho teu ka nogna cheke mana ra, ghotilo cheke fakelini mana!

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Naba 14:30

Theo kaisei mae ka ghotilo te ginau jugru haghe ka vido teke nhaꞌa chekeni iara mala au ghotilo gne. Mae Caleb thugna mae Jefune ghe mae Josua thugna mae Nun eghu kolho nate au ke lamnagna vido tuana.

Naba 14:16

‘Lord na theome tangomana te atha te mei naikno igre ka vido teke nhaꞌa cheke thegna mala tufa ka mare na, aonu mana ne falehedihi mare ka namono nagou.’

Eksodas 13:5

Lord na neke kulu nhaꞌa chekehi ka mae kuꞌemi ghotilo tifa ra te mala atha mei ghami ghotilo ka nodi glose hatimare mae Kenan, hatimare mae Hit, hatimare mae Amo, hatimare mae Hivi nei hatimare mae Jebus. U glose igne thofno keli fara te mala karha gano na. Eghume kate atha ari ghami Lord ka vido glose igne na, ghotilo mala eni Gaghamu biꞌo eigna Bret te Theo Isi gna na leuleghu finogha ka nhigra Abib.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Jenesis 16:7

Engel nogna Lord na ne thafoni Hega rhegna kaisei glokha ka namono nagou na. U glokha igne rhegna nabrou te mala tei thoke ka namono Sur.

Jenesis 21:17

God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Naba 11:12

Iara theome kmadi naikno igre! Iara theome neke fakarhadi naikno igre! Ne unha ne vahi ghau iara mala batudi tei naikno igre ka vido teke nhaꞌa cheke iagho ka kuꞌemi ghehati tifa ra? Ne unha ne vahi ghau mala paladi naikno igre jateula idogna te pala sua ikoni ia eghu sagho gnea?

Josua 24:3

Ebraham na kuꞌemi ghotilo hui. Iara hatani mana neke mei funu ka vido te khaba fara ka keha phile Khoꞌu biꞌo Iufretis. Iara hatani mana neke mei ka namono Kenan. Eghuteuna iara neke tusu ranghini mana kmana vike ka thugna mana Isak,

Nodi Khoje Hatimare Mae Jiu 136:26

Tahati cheke fakelini noda God mae ihei te au teu kligna! Mana ne namha ghita tahati tifa tifa!