Jenesis 24:67 - Buka Blahi Ka Cheke Holo

⁶⁷ Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 24:67 ပူးပေါင်းရင်းမြစ်များ

Jenesis 38:12

Kmana narane ke leghudi igre, khetogna mae Juda na ne jaola ne lehe. Kate gnafahi nogna narane te mala diꞌa nagnafani khetogna na, mae Juda ne tei ka namono Timna mala filodi nogna mae gloku teke tei kato buburudi nogna sipure. Kheragna mana mae Hira gne jaola ne tei balugna mana. Mae Hira gne kaisei maegna Adulam.

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Ululahu Tesalonika 4:15

Unha te chekedi ghehati gognaro igre nogna farirhiu thegna Lord. Tahati karha teu ka narane ke pulo meigna Lord na ginauna au balugna mana, nu theome thofno tei mala au balugna mana ke uludi iheire tela lehehi ra.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Famane Khoje 8:2

Jame te eghu na, iara ginauna atha nigho tei ka sugagna idogu na, ihei teke farirhiu ghau iara na. Eghuteuna iara ginauna tusu ari ka iagho waen nei khologna sisi pomegranet te famane mamahe fara mala koꞌu iagho.

Jenesis 29:18

Mae Jekop ne magnahagheni fara Resel, aonu mana ne cheke eghu ka mae Laban, “Iara ginauna na loku fitu finogha ranghi nigho iagho mala gna thumu gaꞌase majaghani iagho Resel gne.”

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 18:6

Aonu mae Ebraham ghosei ne tei ka Sera ka suga tapuale na ne cheke eghu ka naꞌa, “Faghose, hata glima kilo flaoa mala kuki keha bret.”

Jenesis 24:66

Aonu kate mei mare te posa ka mae Isak na, mae gloku na ne toutonu ka mae Isak eigna nogna thei na, nei unha glepo teke edi ka namono teke tei mana na eghu.

Jenesis 25:1

Aonu, mae Ebraham neke tolaghi ka keha gaꞌase na, nanghagna na Ketura.