Jenesis 24:63 - Buka Blahi Ka Cheke Holo

⁶³ Kaisei grafi mana ne tei ka vido sare te theo naiknogna na, aonu mana ne filo laodi keha kamel ne mei ke ulugna mana.

Jenesis 24:63 ပူးပေါင်းရင်းမြစ်များ

Nodi Khoje Hatimare Mae Jiu 119:15

Leuleghu fata na iara hirodi koba u gaoghathodi nou cheke iagho re, nei leghudi fabrahu eghu nou farirhiu iagho re.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Nodi Khoje Hatimare Mae Jiu 145:5

Iagho King, naiknore ginauna toutonu eidi nou nolaghi nei nanghamu teu iagho re, eghuteuna iara ginauna na ghatho fabrahudi nou kofubobhoi iagho ra.

Nodi Khoje Hatimare Mae Jiu 119:48

Iara ghatho tahudi fara nou cheke iagho re te thono magnahaghedi fara iara te leghudire. Eghuteuna iara ginauna ghathodi fara nou farirhiu iagho re.

Nodi Khoje Hatimare Mae Jiu 119:27

Togho ghau iara sagho mala lase fakelidi iara nou famane cheke iagho ra, aonu iara ginauna na gaoghatho heta ka nou farirhiu iagho ra eghu.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 24:64

Rebeka ne filoni mae Isak ne krofu soru ka kamel na.