Jenesis 24:60 - Buka Blahi Ka Cheke Holo

⁶⁰ Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 24:60 ပူးပေါင်းရင်းမြစ်များ

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 9:1

Aonu God ne fablahini mae Noa baludi mae thugnare, ne cheke eghu, “Au sua kmana mala fodu nauthoglu gne.

Jenesis 1:28

God ne fablahidi ne cheke eghu ka repa, “Ghopa mala au sua kmana mala reireghidi glepo te gnafa te au ka nauthoglu na igre. Iara neke lilisei sasa nei nanghaji nei thua nafnata glepo te tautagu teu ka nauthoglu na igre mala reireghidi ghopa.”

Levitikas 25:46

Thumi nalhaꞌu ghotilo are tangomana teke hata kasa ka kaisei sneka, eghuteuna mare ginauna mala loku jateula naikno sneka eghu fabrahu ghilei lehe. Nu ghotilo mala thosei tapla faparini kaisei kherami maegna Israel mala jateula kaisei naikno sneka eghu, eghuteuna ghotilo mala thosei fagoigolidi mare.

Jenesis 48:20

Aonu ka narane igne mae Jekop ne fablahidi phei mae gragna re ne cheke eghu ka mae Josep, “Phia mae, goro sua nate karha mei ke leghugu iara na ginau fablahidi keha naiknore ka nanghami ghopa re. Mare na cheke eghu, ‘God te fablahi nigho jateula mana teke fablahidi mae Efraim ghe mae Manase ra eghu.’ ” Ka puhi igne mae Jekop ne nhaꞌa faꞌuluni mae Efraim eghuteuna mae Manase ke leghu.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Diutronomi 21:19

Idogna kmagna mae sitei igne na hatani tei mana ka hatimare mae lida rhegna grengatha gna namono igne mala fateni mana.

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jenesis 24:61

Aonu Rebeka nei nogna gaꞌase gloku re eghu ne gnokro ka kamel re ne tei baludi mare.

Jenesis 32:1

Mae Jekop jaola ne jifla ne tei balugna nogna vike na, eghuteuna nogna engel God re ne mei ne thafoni mana.

Profet Jeremaea 29:6

Ghotilo mae nalhaꞌu ra tolaghi mala au kmana thumi nalhaꞌu nei gaꞌase eghu. Te keli na ghotilo mala kmana nei vuragha eghu jare Babilonia.