Jenesis 24:59 - Buka Blahi Ka Cheke Holo

⁵⁹ Aonu mare ne snakreni Rebeka ne tei balugna mana nei keha mae teke mei balugnare eghu. Mare ne kuru teini kaisei gaꞌase mala loku ihei teke reireghini na funu suagna na mala tei balugna.

Jenesis 24:59 ပူးပေါင်းရင်းမြစ်များ

Jenesis 35:8

Aonu kaisei naikno biꞌo te kiloi Debora gne neke lehe jare ne giugilu mare ka pesigna gaju biꞌo na fei ke mata namono Betel. Aonu mare ne kiloni gaju biꞌo igne Alon Bacath, ba “Gaju diꞌanagnafa.” Debora gne neke reireghini Rebeka khetogna mae Isak gne kani suai teku naꞌa na.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Naba 11:12

Iara theome kmadi naikno igre! Iara theome neke fakarhadi naikno igre! Ne unha ne vahi ghau iara mala batudi tei naikno igre ka vido teke nhaꞌa cheke iagho ka kuꞌemi ghehati tifa ra? Ne unha ne vahi ghau mala paladi naikno igre jateula idogna te pala sua ikoni ia eghu sagho gnea?

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Jenesis 24:50

Mae Laban ghe mae Betuel ne cheke eghu, “Igne thofno gaoghatho neke mei funugna ka Lord, eghume ghepa theome naba te eni kaisei cheke ka puhi igne na eghu.

Jenesis 24:54

Ke leghudi igre mana nei mae teke mei balugna re eghu mare ne ima nei koꞌu neu ne thuru jare bongi tuana. Kate dofra haghe mare hamerane boibongi ka keha narane na, mana ne cheke eghu ka naiknogna suga na, “Ghotilo snakre ghau iara mala ke pulo iara ka nogu mae funei na.”

Jenesis 24:58

Aonu mare ne ehani naꞌa ne ghusna eghu, “Ba, iagho magnahaghei te tei balugna mae igne?” Naꞌa ne cheke eghu, “Uve, iara ginau tei.”