Jenesis 24:56 - Buka Blahi Ka Cheke Holo

⁵⁶ Nu mana ne cheke eghu ka repa, “Thosei tore ghau iara te mala au faraugha agne na. Naugna Lord na la fakelinihi nogu gloku iara na. Iara magnahaghei teke pulo ka nogu mae funei na.”

Jenesis 24:56 ပူးပေါင်းရင်းမြစ်များ

Profet Isaia 48:15

Iara ngala te chekeni ka ghotilo igne, eghuteuna iara ngala teke kilo meini mae Saerus na. Iara na batuni mana, eghuteuna iara na toghoni mana mala uluni mana magra igne.

Proveb 25:25

Famane nonomho te mei funu ka vido te khaba na, jateula khoꞌu jemnu eghu ka ihei te roi koꞌu na.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Jenesis 24:54

Ke leghudi igre mana nei mae teke mei balugna re eghu mare ne ima nei koꞌu neu ne thuru jare bongi tuana. Kate dofra haghe mare hamerane boibongi ka keha narane na, mana ne cheke eghu ka naiknogna suga na, “Ghotilo snakre ghau iara mala ke pulo iara ka nogu mae funei na.”

Jenesis 24:57

Idogna nei kheragna teu Rebeka re ne cheke eghu, “Tahati na ehani Rebeka mala ghusnani naꞌa unha te magnahagheni naꞌa na.”

Jenesis 30:25

Kate karhahi mae Josep na, mae Jekop ne cheke eghu ka mae Laban, “Mama, iara neke edi kmana gloku te mala folidi khetogu nei thugu teu igre. Eghume iara gognaro na magnahaghei nigho iagho te snakre ghau iara mala ke pulo iara ka namonogu na. Iagho lasenihi, eigna iara neke edi fakeli nou gloku iagho ra.”