Jenesis 24:50 - Buka Blahi Ka Cheke Holo

⁵⁰ Mae Laban ghe mae Betuel ne cheke eghu, “Igne thofno gaoghatho neke mei funugna ka Lord, eghume ghepa theome naba te eni kaisei cheke ka puhi igne na eghu.

Jenesis 24:50 ပူးပေါင်းရင်းမြစ်များ

Nodi Khoje Hatimare Mae Jiu 118:23

Glepo igne Lord teke eni na ne keli fara fifilogna na.

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Jenesis 31:29

Iara jame neke fadiꞌa ghami ghotilo, nu bongi na God mae ihei te tufru soruni mae kmamu iagho na neke cheke eghu ka iara, ‘Fiofilo nighoi! Thosei eni kaisei glepo mala mhaghu mae Jekop.’

Nonomho Te Keli Teke Risoi Mae Mak 12:11

Glepo igne Lord teke eni gna na, thofno keli fara ka tahati filogna na.’ ”

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Mae Khuru 11:17

Tutuani, iara neke filoni God na neke tusu lao Tharunga te Blahi na ka naikno te theome Jiure, jateula mana teke tusu mei ka tahati naikno te kulu fatutuani ni noda Lord Jisas Kraes. Eghume iara theome tangomana te lhotini nogna gloku God na.”

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Jenesis 24:55

Nu kheragna nei idogna teu Rebeka re ne cheke eghu, “Ghepa magnahagheini Rebeka gne te au lao ghu balumi nabagna nabotho narane. Ke leghugna igne ame tangomana nga naꞌa te tei ghotilo na eghu.”

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Jenesis 24:28

Aonu Rebeka chari ne tei ka sugagna idogna na ne toutonu ka naꞌa eidi glepo igre.

Jenesis 24:15

Kate theome gnafa nga teu mae gloku gne nogna tharai na, Rebeka ne mei funugna ka namono na pala ne mei kaisei botol ka fafragna na. Rebeka gne neke thugna gaꞌase mae Betuel. Eghuteuna mae Betuel gne neke thudi nalhaꞌu ngala Milka ghe Neho. Eghuteuna mae Neho gne neke thabusigna ngala mae Ebraham.

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 24:51

Igne teu Rebeka na, hata sagho mala tei balumu mala tolaghi ka thugna nou mae funei na jateula te chekenihi Lord na eghu.”

Ululahu Kings 12:15

Aonu King Rehoboam ne theome fanomho ka nodi cheke naiknore. Naugna Lord magnahaghei te mei tutuani nogna cheke na, unha teke chekeni mae Profet Ahaeja maegna Saelo ka mae Jeroboam.

Ululahu Kings 12:24

Igne unha te chekeni Lord na: ‘Ghotilo thosei tei magridi thabusimi ghotilo Israel ra. Ghotilo ke kafe pulo ka namono, naugna iara neke eni puhi igne.’ ” Aonu mare leghuni cheke igne neke figri ka namono, jateula te chekeni Lord ka mae Semaea igne neu.