Jenesis 24:35 - Buka Blahi Ka Cheke Holo

³⁵ Lord neke fablahini nogu mae funei iara na. Nogu mae funei iara igne mana kaisei mae dedei fara. Naugna Lord neke tusu ranghini mana kmana buluka, sipu, gol, silva, mae gloku, gaꞌase gloku, kamel nei dongki eghu.

Jenesis 24:35 ပူးပေါင်းရင်းမြစ်များ

Jenesis 24:1

Mae Ebraham gne gognaro na la kueku'e farahi, eghuteuna Lord neke fablahini mana ka puhi te gnafa igre.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Nodi Khoje Hatimare Mae Jiu 18:35

God, iagho fakarhi ghau iara ka khamedi naoka gre. Iagho pophoru ghau iara ka nou greoreo iagho ana. Iagho loku haghedi khamegu gre mala kegra heta iara. Kate cheke tughuni iagho nogu thore iara na, iara na fnakno ka tathadi naikno gre.

Jenesis 25:11

Ke leghugna tela lehehi mae Ebraham na, mae Isak tei ne eni nogna namono na rhegna glokha khoꞌu na, ba Bea Lahai Roi.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Nodi Khoje Hatimare Mae Jiu 112:3

Tharaknagna mana na ginauna dedei fara nei au nodi kmana glepo te keli eghu. Eghuteuna mae te doglo ke ulugna Lord ginauna au fakeli nogna fabrahu tifa e tifa.

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Jenesis 12:16

Mae king filoni Sarai ne magnahagheni fara naꞌa. Naugna igne mae king na ne keli fara ranghini mae Ebram ne tusu ranghini mana kmana sipu, buluka, dongki, kamel, nei nogna nalhaꞌu nei gaꞌase eghu mala loku.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Jenesis 25:5

Mae Ebraham ne lisa lao ka mae Isak gobigna lepo teke khotodi mana re.

Jenesis 30:43

Ka puhi igne mae Jekop ne kaisei mae dedei fara. Mana ne au nogna kmana sipu nei nanigot, nei mae gloku nei gaꞌase gloku, nei kamel nei dongki.