Jenesis 24:29 - Buka Blahi Ka Cheke Holo

^29-30 Mae Laban gne thabusigna Rebeka. Aonu mae Laban ne filodi u ring ka nehugna nei phei khome ka khamegna teure, nei Rebeka ne toutonu ka mana unha teke chekedi nogna mae gloku mae Ebraham. Aonu, mana jifla ne tei ne filodi mae igne nei nogna kamel re rhegna khoꞌu seu na.

Jenesis 24:29 ပူးပေါင်းရင်းမြစ်များ

Jenesis 29:5

Aonu mae Jekop ne ghusna eghu ka mare, “Ghotilo laseni mae Laban gragna mae Naho na?” Mare ne cheke eghu, “Uve, ghehati laseni mana.”

Jenesis 29:13

Kate nomhini mae Laban u nonomho eigna mae Jekop, thugna greghagna na, mana chari ne tei ne thafoni mana. Mae Laban ne loku famaku ka mae Jekop ne kubae ka mana ne hatani mana ne tei ka sugagna na. Aonu mae Jekop ne toutonu ka mae Laban eidi gobigna lepo teke edi ka thegna re.

Jenesis 24:55

Nu kheragna nei idogna teu Rebeka re ne cheke eghu, “Ghepa magnahagheini Rebeka gne te au lao ghu balumi nabagna nabotho narane. Ke leghugna igne ame tangomana nga naꞌa te tei ghotilo na eghu.”

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 27:43

Eghume, thuguo, leghuni unha te chekeni iara igne. Iagho tarabana mala rikha tei au balugna thabusigu iara Laban ka namono Haran.

Jenesis 28:2

Iagho mala tei Mesopotemia ka namono gna ku'emu Betuel, kmagna idomu iagho gne. Iagho mala tei hata kaisei gaꞌase jare Mesopotemia ka thugna mae Laban, thabusigna idomu themu gne.