Jenesis 24:27 - Buka Blahi Ka Cheke Holo

²⁷ ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Jenesis 24:27 ပူးပေါင်းရင်းမြစ်များ

Jenesis 24:48

“Aonu iara neke pogho soru pari ne cheke fakelini Lord. Iara ne cheke fakelini Lord, naugna mana nogna God nogu mae funei iara Ebraham nei batu ghau iara ne doglo ne mei ka sugagna mae vikegna nogu mae funei iara na. Eghume gognaro na iara la filoni gaꞌase majaghani nate tolaghi thugna nogu mae funei iara na.

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Jenesis 24:12

Mae gloku na ne tarai ne cheke eghu, “Lord, iagho nogna God nogu mae funei iara Ebraham. Togho ghau iara mala tangomana iara te filoni kaisei gaꞌase te malagna thugna mana na gognaro gne, mala keli nogu gloku iara na ka tathagna nogu mae funei na.

Ululahu Samuel 25:32

Aonu mae Devet ne cheke eghu ka Abigel, “Iara cheke fakelini Lord, nodi God maedi Israel! Mae ihei te kuru nigho te mei thafo ghau iara gognarogne.

Thoutonu Eigna Rut 4:14

Goro gaꞌasegna namono Betlehem ne cheke eghu ka Naomi, “Naomi, tahati cheke fakelini God! Gognaro na God la tusu ranghi nigho kaisei gramu la karha mei ka Rut mala reireghi nigho iagho. Sua igne mala kaisei mae biꞌo ka tahati agne Israel ginauna.

Eksodas 18:10

Mae Jetro ne cheke eghu, “Cheke fakelini nanghagna Lord! Mana neke atha fajifla ghami ghotilo ka naꞌau sosolo ka khamedi hatimare mae Ijep.

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Fapea Samuel 18:28

Aonu mae Ahimas mei namo ne eha eghu ka king, “Gobigna lepore keliu kolho!” Mana haghe ka king ne pogho soru pari, ne cheke eghu ka mana, “King, nogu funei, tahati cheke fakelini nanghagna noda Lord God! Mana fakarhi nigho ka mae ihei teke khi fajifla nigho ia.”

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Proveb 8:20

Leuleghu fata na iara leghuni puhi te keli na, eghuteuna eni kolho unha te doglo na.

Nodi Khoje Hatimare Mae Jiu 68:19

Tahati pala hagheni nanghagna noda Lord mae ihei te togho ghita leuleghu narane ka puhi biꞌo thoke ghita. God kaisei igne ngala te fakarhi ghita na.

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Eksodas 2:13

Ka keha narane na, Moses tei ne filodi phei Hibru ne magra. Aonu mana ne cheke eghu ka mae ihei te jafra ka phiamare na, “Naugna unha sagho te tutini mae kheramu themu gnea?”

Eksodas 2:11

Kaisei narane, kate rheta tela biꞌohi na, Moses tei ne sighodi kheragna mae Hibru gre, eghuteuna mana filodi maedi Ijep gre huhurudi mare mala loku heta fara. Ka narane tuana, mana ne filoni kaisei maegna Ijep ne puri fadiꞌani kaisei maegna Hibru.

Jenesis 24:42

“Kate mei iara ka khoꞌu seu na ginei gne, iara neke tarai eghu, ‘Lord, iagho nogna God nogu mae funei iara Ebraham, togho ghau iara mala tangomana iara te filoni kaisei gaꞌase malagna thugna mana na gognaro gne mala keli nogu gloku iara na ka tathagna nogu mae funei iara na.’

Jenesis 24:21

Mae gloku igne au kmu neu kolho ne filo neu ka naꞌa. Eigna mana magnahaghei te laseni glahula te toghoni Lord nogna thei na, ba theo.

Jenesis 24:4

Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna mana, mae thugu iara igne.”

Jenesis 14:20

Eghuteuna tahati pala hagheni nanghagna na eigna mana ne togho nigho ne uluni iagho u magra igne.” Aonu mae Ebram ne tufa glepo teke hata teke pulo ka magra na ne edi nabotho bukrei ne tufa ka mae Melkisedek kaisei bukrei.

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 9:26

Mae Noa jaola ne cheke eghu, “Tahati cheke fakelini Lord mae ihei Sem te pogho soru ranghini! Mae Kenan gne mala nogna mae sneka kolho mae Sem.

Jenesis 32:11

Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.