Jenesis 24:11 - Buka Blahi Ka Cheke Holo

¹¹ Kate posa lao ke kosigna namono na, mana ne fatuthuru soru kamel re rhegna khoꞌu seu na. Igne fei grafi ka vido te mala mei toho khoꞌu goro gaꞌase re.

Jenesis 24:11 ပူးပေါင်းရင်းမြစ်များ

Ululahu Samuel 9:11

Kate haghe phiamare ka thogele na te mala tei lamna namono na, phiamare ne thafodi goro gaꞌase te soru mala toho khoꞌu teure. Eghuteuna phiamare ne ghusna eghu ka reꞌe, “Ba, mae khaekae na au ka namono, ba theo?”

Jone 4:7

Ka vido tuana hatimare mae fanomhore neke tei kokoni mana mala foli gano ka namono na. Kaisei gaꞌase gna Samaria ne mei ka seu na mala toho khoꞌu. Aonu, mae Jisas ne cheke eghu ka gaꞌase na, “Mei katha ghegu khoꞌu.”

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Proveb 12:10

Mae te keli na reireghidi nogna buluka, sipu, nanigot, ba hose. Nu mae te diꞌa na paradi nogna glepo igre.

Jenesis 24:42

“Kate mei iara ka khoꞌu seu na ginei gne, iara neke tarai eghu, ‘Lord, iagho nogna God nogu mae funei iara Ebraham, togho ghau iara mala tangomana iara te filoni kaisei gaꞌase malagna thugna mana na gognaro gne mala keli nogu gloku iara na ka tathagna nogu mae funei iara na.’

Jenesis 29:2

Mana kegra jare ne efra tafri ne filodi thilo bukrei sipu te thuru teu ka gerigna khoꞌu seu ka sare na, naugna sipu igre mei koꞌu koba ka khoꞌu seu igne. Eghuteuna foflogna khora igne fofotho ka kaisei thina biꞌo.

Eksodas 2:15

Kate nomhini king eigna igne, mana fariuriu mala aknu faleheni mae Moses, nu mae Moses rikha ne tei ka nohi Midian. Kaisei fata, kate gnokro teu Moses rhegna kaisei seu na,

Jajis 5:11

Ghotilo fanomho! Naikno te khapru ka Seu igne te koje eigna Lord te uluni magra igne. Uve, te chekeni mare na tahati naiknoda Israel la uluni magra na. Aonu, nogna naikno Lord igre jifla mala magra.