Jenesis 24:10 - Buka Blahi Ka Cheke Holo

¹⁰ Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 24:10 ပူးပေါင်းရင်းမြစ်များ

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Mae Khuru 2:9

Tahati gne funuda ka namono Pasia, Midia, Ilam, Mesopotemia, Judia, Kapadosia, Pontas nei Esia,

Ululahu Kronikols 19:6

Kate nomhini King Hanun nei hatimare mae biꞌodi Amon gre eghu te diꞌatagna fara King Devet ka mare na, mare ne foli tolufulu fati thogha kilo silva mala hata chariot mala magra ka maedi Naharaem, maedi Maka, maedi Soba nei maedi Siria.

Jenesis 29:1

Mae Jekop tei ne posa ka naikno te au ka namono ke maghati re.

Jenesis 27:43

Eghume, thuguo, leghuni unha te chekeni iara igne. Iagho tarabana mala rikha tei au balugna thabusigu iara Laban ka namono Haran.

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 11:29

Mae Ebram gne neke tolaghi ka Sarai. Sarai gne neke khara neke theo thugna. Eghuteuna mae Naho neke tolaghi ka Milka, thugna mae Haran. Mae Haran gne neke kmadi Milka, Iska nei mae Lot. Mae Tera gne neke hata balugna mae Ebram ghe Sarai nei mae Lot eghu ne jifla ka namono Ur jare Babilonia mala tei Kenan nu mare ne theome tei thoke jare ne te au neu kolho ka namono Haran.

Jenesis 11:32

Mae Tera neke phei gobi glima finogha gna neke lehe nga jare Haran.

Jenesis 24:22

Kate koꞌu te gnafa kamel re, mana ne hata ne tusu lao ka Rebeka kaisei ring teke hohoro ka gol mala lilisei ka nehu na, tahugna na glima gram, nei phei khome neke hohoro la ka gol, tahu dire phei gobi gram.

Jenesis 24:53

Aonu mana ne hata fajifla thua nafnata glalaoni silva, gol nei famane pohe teure ne tusu lao ka Rebeka. Eghuteuna mana jaola ne tufa namha te biꞌo fara sileni dire ka kheragna nei idogna teu Rebeka re.

Jenesis 29:2

Mana kegra jare ne efra tafri ne filodi thilo bukrei sipu te thuru teu ka gerigna khoꞌu seu ka sare na, naugna sipu igre mei koꞌu koba ka khoꞌu seu igne. Eghuteuna foflogna khora igne fofotho ka kaisei thina biꞌo.

Jenesis 11:26

Igne susureidi thugna mae Tera re. Mae Tera neke fitu salei finogha gna neke karha nga mae Ebram, mae Naho nei mae Haran. Mae Haran na neke kmagna mae Lot.

Jenesis 22:20

Ke leghudi igre, keha naikno ne mei cheke eghu ka mae Ebraham, “Milka na la au keha thugna nalhaꞌu.” Milka gne neke khetogna mae Neho, eghuteuna mae Neho gne neke thubusigna mae Ebraham.