Jenesis 23:20 - Buka Blahi Ka Cheke Holo

²⁰ Mae Ebraham neke foli vido glose nei gluma teu igre ka hatimare mae Hit. Eghuteuna gognaro na kela nodi vido glose mala giugiluihi vikegna mae Ebraham gre.

Jenesis 23:20 ပူးပေါင်းရင်းမြစ်များ

Fapea Kings 21:18

Kate lehe mana na, mare ne giugiluni mana ka nagare rhegna nogna suga na. Nagare igne mare kiloni, “Nogna Nagare mae Usa.” Eghuteuna mae Amon thugna mana na neke king tughuni mana.

Fapea Samuel 24:24

Nu king ne cheke eghu ka mana, “Theo, iara mala foli. Iara theome tangomana te fafara ka Lord glepo teke fiti hata kolho iara na.” Aonu mana ne foli ka mana vido mala koko khune wit igne nei buluka eghu ka nabotho glima silva.

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Jenesis 25:9

Mae Isak ghe mae Ismael, phei mae thugna gre neke giugilui ni mana ka gluma thina na jare Makpela ka vido glose ke maghati Mamre. Vido igne neke nogna mae Efron thugna mae Soha kaisei mae ka vikegna mae Hit.

Jenesis 10:15

Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Jenesis 25:10

Mae Ebraham neke foli vido glose igne ka hatimare vikegna mae Hit. Eghuteuna mae Isak ghe mae Ismael gre neke giugilui ni mae Ebraham ka gluma thina teke foli mana tifa teke giugilui Sera khetogna na igne.

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.