Jenesis 23:16 - Buka Blahi Ka Cheke Holo

¹⁶ Mae Ebraham ne faꞌuveni cheke igne ne atha fajifla varadaki silva ke uludi hatimare mae Hit gre ne tusu lao ka mae Efron fofoli gna u glose igne.

Jenesis 23:16 ပူးပေါင်းရင်းမြစ်များ

Profet Sekaraea 11:12

Eghuteuna iara cheke eghu ka mare, “Jame ghotilo magnahaghei te foli nomi taba ka iara, ghotilo foli. Nu jame te theo na, keliu kolho.” Eghuteuna mare skel tolufulu silva ne famei ka iara mala foli ghau iara.

Profet Jeremaea 32:9

Aonu, iara ne foli vido glose igne. Iara ne rioriso nhaꞌa cheke te mala foli glose igne, aonu iara ne lilisei nogu fagaglana na tagna ke uludi keha mae te au teu jare na. Aonu iara ne skel nabotho fitu silva koen ne tusu lao ka mae Hanamel fofoli gna vido glose igne.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Filipae 4:8

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Letas Teke Riso Tei Mae Pol Ka Khiloau Rom 13:8

Thosei kaoni fabrahu kaisei glepo ka ihei. Nu ghotilo ginauna mala kaoni fabrahu namha na fari themi. Naugna ihei te namhadi keha naiknore, mana thofno leghuni nogna vetula God na.

Matiu 7:12

Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Thoutonu Eigna Mae Job 28:15

Theome tangomana kaisei naikno te foli silva ba gol te mala hata gaoghatho te keli na.

Eksodas 30:13

Naikno te gnafa te kaha iagho re mala famei katha vido silva ikoi tahugna na kaisei sekel te fagefe lao mare ka nogna skel mae pris.

Jenesis 43:21

Kate jifla ghehati agne teke pulo ka namono na, ghehati ne tei ne bongi ka kaisei vido ne ei suga ne thuru jare. Kate sopagna tothora ghehati nomi duku re ghehati neke filodi sileni teke mei foli wit ghehati agne re neke au neu ka foflodi nomi duku ghehati re. Eghume gognaro na ghehati kela hata pulo mei balumi sileni tura.

Jenesis 23:15

“Mae biꞌo, fofoli gna glose igne thono biꞌo fara, naba varadaki silva. Eghume ka noda namha biꞌo te au fari hoteida tapa na, glepo igne theo nafugna kolho. Hata kolho sagho glose igne mala giugilui khetomu na.”

Mae Khuru 7:16

naiknore neke kafe hata fapulo thinidi mare re mala ke giugilui Sikem ka gluma teke foli ka sileni mae Ebraham tifa ka thugna mae Hemo re.

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Fapea Samuel 14:26

Khaklagna manare brahu fara, eghuteuna mana kaisei fata kuchi kolho kaisei finogha. Eghuteuna kate kuchi mana na, tahudi khaklagna mana igre thokeni phei kilo gram ka nogna skel mae king.

Fapea Samuel 24:24

Nu king ne cheke eghu ka mana, “Theo, iara mala foli. Iara theome tangomana te fafara ka Lord glepo teke fiti hata kolho iara na.” Aonu mana ne foli ka mana vido mala koko khune wit igne nei buluka eghu ka nabotho glima silva.