Jenesis 23:13 - Buka Blahi Ka Cheke Holo

¹³ ne cheke eghu ka mae Efron ke uludi naikno te gnafa te au ka namono igne, “Ghema Efron, iara magnahaghei nigho iagho te fanomho ka nogu cheke iara gne. Iara ginauna na foli nou vido glose iagho gne. Eghuteuna jame te doglo ka gaoghathomu iagho na, iagho hata nogu sileni iara gre mala tangomana iara te giugilui khetogu na ka glose igne na.”

Jenesis 23:13 ပူးပေါင်းရင်းမြစ်များ

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Letas Teke Riso Tei Mae Pol Ka Khiloau Rom 13:8

Thosei kaoni fabrahu kaisei glepo ka ihei. Nu ghotilo ginauna mala kaoni fabrahu namha na fari themi. Naugna ihei te namhadi keha naiknore, mana thofno leghuni nogna vetula God na.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Fapea Samuel 24:24

Nu king ne cheke eghu ka mana, “Theo, iara mala foli. Iara theome tangomana te fafara ka Lord glepo teke fiti hata kolho iara na.” Aonu mana ne foli ka mana vido mala koko khune wit igne nei buluka eghu ka nabotho glima silva.

Jenesis 23:12

Aonu mae Ebraham ne pogho soru pari,

Jenesis 23:14

Mae Efron ne cheke eghu ka mae Ebraham,

Jenesis 33:19

Mana neke foli vido glose igne ka vikegna mae Hamo, kmagna mae Sekem. Foli gna vido glose igne neke kaisei gobi silva.