Jenesis 22:8 - Buka Blahi Ka Cheke Holo

⁸ Mae Ebraham ne cheke eghu, “Thuguo, God ginauna na tusu ranghi ghita u lam te mala fafara na.” Aonu phia mare ne kaisei thei ne tei.

Jenesis 22:8 ပူးပေါင်းရင်းမြစ်များ

Jone 1:36

Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Thakle 5:12

Mare ne koje eghu fabiꞌo, “Mae Lam igne naiknore neke faleheni mana. Tahati nabada te cheke fakelini mana, naugna mana au nolaghi biꞌo, dedei, gaoghatho te keli, nanheta, nafnakno nei fablahi!”

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Matiu 19:26

Mae Jisas ne filo tutu ka mare ne cheke eghu, “Tutuani fara, God na tangomana te eni unha te theome tangomana te eni naikno na.”

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Thakle 5:6

Aonu iara ne filoni kaisei Lam kegra teu ke ulugna nogna sape nafnakno mae King na farihoteidi fati glepo te karha igre nei hatimare mae biꞌo ka khiloau te kegra falithuini teu nogna sape nafnakno mae King na. Eghuteuna Lam igne jateula teke falelehehi mare eghu filogna na. Mana au fitu honagna nei fitu tathagna. Igre fitu tharunga keli nogna God teke kurudi mana te tei heva heva ka nauthoglu igne.

Fapea Kronikols 25:9

Nu Amasaea ne ghusna eghu ka profet, “Ba, na faꞌunhadi tahati sileni teke tusu laohi te mala folidi mare ra?” Aonu nogna mae gloku God na ne cheke eghu ka mana, “Lord tangomana te tusu ari kmana ka iagho salaꞌudi teke koko iagho re!”

Jenesis 22:7

Kate tei teu phia mare na mae Isak ne cheke eghu, “Mama!” Mae Ebraham ne cheke eghu, “Unha sia thuguo?” Mae Isak ne ghusna eghu, “Mama, khaꞌaghi nei gaju teu igre nu aheva gne si lam gna na gnea te mala fafara na?”

Jenesis 22:9

Kate posa lao phia mare ka vido aheva teke chekeni God na, jare mae Ebraham ne titili ka thina kaisei olta ne lilisei gaju ke kligna gna. Mana ne haru phei khamegna mae Isak re ka gnarho ne fathuru lao ke klignadi gajure ka olta na.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Fapea Kings 2:6

Phia mare au neu Jeriko, eghuteuna mae Elija ne cheke eghu ka mae Elisa, “Iagho ofou agne, naugna Lord na neke cheke ka iara mala tei ka khoꞌu Jordan.” Nu mana ne cheke eghu, “Ka nanghagna Lord mae ihei te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei ka khoꞌu Jordan.