Jenesis 22:6 - Buka Blahi Ka Cheke Holo

⁶ Mae Ebraham ne hata gaju te mala fafara gre ne fapala lao ka mae thugna na. Eghuteuna mae Ebraham ne hata naflahi na balu khaꞌaghi. Aonu phia mare ne kaisei thei ne tei.

Jenesis 22:6 ပူးပေါင်းရင်းမြစ်များ

Jone 19:17

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Matiu 8:17

Nogna cheke mae profet Isaia igne ne horoghoto fara ka narane tuana, “Mana ne hata fahui fogra te fanigra ghita na, nei hata fadeleihi khabruda tahati re.”

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Jenesis 22:5

Mana ne cheke eghu ka phei nogna mae glokure, “Ghopa au agne balugna dongki gne. Iara gne ginauna na tei balugna mae sitei gne mala tarai. Eghuteuna ke leghugna igne ghepa ginauna nake pulo mei ka ghopa.”

Fapea Kings 2:6

Phia mare au neu Jeriko, eghuteuna mae Elija ne cheke eghu ka mae Elisa, “Iagho ofou agne, naugna Lord na neke cheke ka iara mala tei ka khoꞌu Jordan.” Nu mana ne cheke eghu, “Ka nanghagna Lord mae ihei te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei ka khoꞌu Jordan.