Jenesis 22:23 - Buka Blahi Ka Cheke Holo

²³ Mae Betuel gne neke kmagna Rebeka. Nhana mae igre neke karha ka Milka ghe mae Neho.

Jenesis 22:23 ပူးပေါင်းရင်းမြစ်များ

Jenesis 24:15

Kate theome gnafa nga teu mae gloku gne nogna tharai na, Rebeka ne mei funugna ka namono na pala ne mei kaisei botol ka fafragna na. Rebeka gne neke thugna gaꞌase mae Betuel. Eghuteuna mae Betuel gne neke thudi nalhaꞌu ngala Milka ghe Neho. Eghuteuna mae Neho gne neke thabusigna ngala mae Ebraham.

Letas Teke Riso Tei Mae Pol Ka Khiloau Rom 9:10

Theome tuana ngala eghu, naugna Rebeka na jaola neke karha mei phei thugna nalhaꞌu ka kaisei mae ngala, mae kuꞌeda Isak. Phei thugna nalhaꞌu mae Isak re, mae Jekop ghe mae Iso.

Jenesis 28:5

Aonu mae Isak ne kuru teini mae Jekop ka mae Laban, thugna mae Betuel ka namono Mesopotemia. Mae Betuel gne kaisei mae ka vikegna mae Aram. Eghuteuna mae Laban gne neke thabusigna Rebeka, idodi mae Jekop ghe mae Iso.

Jenesis 28:2

Iagho mala tei Mesopotemia ka namono gna ku'emu Betuel, kmagna idomu iagho gne. Iagho mala tei hata kaisei gaꞌase jare Mesopotemia ka thugna mae Laban, thabusigna idomu themu gne.

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 24:51

Igne teu Rebeka na, hata sagho mala tei balumu mala tolaghi ka thugna nou mae funei na jateula te chekenihi Lord na eghu.”

Jenesis 24:47

“Iara neke ghusna eghu ka naꞌa, ‘Iagho thugna gaꞌase mae ihei?’ “Naꞌa neke cheke eghu, ‘Iara thugna Betuel. Beteul na, thudi Naho ghe Milka.’ Aonu iara neke lilisei kaisei ring ka nehugna na nei phei khome ka phei khamegna re neku.

Jenesis 24:24

Naꞌa ne cheke eghu ka mana, “Iara thugna Betuel, thudi Naho ghe Milka.

Jenesis 11:29

Mae Ebram gne neke tolaghi ka Sarai. Sarai gne neke khara neke theo thugna. Eghuteuna mae Naho neke tolaghi ka Milka, thugna mae Haran. Mae Haran gne neke kmadi Milka, Iska nei mae Lot. Mae Tera gne neke hata balugna mae Ebram ghe Sarai nei mae Lot eghu ne jifla ka namono Ur jare Babilonia mala tei Kenan nu mare ne theome tei thoke jare ne te au neu kolho ka namono Haran.

Jenesis 22:24

Mae Neho gne jaola neke au fati mae thugna nalhaꞌu ka Reuma. Reuma gne neke fapea khetogna mae Neho. Mae igre teke karha ka Reuma re: mae Teba, mae Gaham, mae Tahas nei mae Maka.