Jenesis 22:21 - Buka Blahi Ka Cheke Holo

^21-22 Igre nanghadire, mae teke kulu karha re mae Us, eghuteuna mae thabusigna mana re, mae Bus, mae Kemuel, mae Kemuel gne mae kmagna mae Aram, mae Kesed, mae Haso, mae Pildas, mae Jitlap nei mae Betuel.

Jenesis 22:21 ပူးပေါင်းရင်းမြစ်များ

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Thoutonu Eigna Mae Job 32:2

Nu ka narane tuana, kaisei mae nanghagna na mae Elihu. Mana thugna mae Barakel ka tharaknagna mae Bus, eghuteuna mae Bus gne tharaknagna mae Ram. Mae Elihu ne diꞌatagna fara ka mae Job, naugna mae Job te chekeni na mana kaisei mae doglo, eghuteuna mana chekeni fabrahu te God na theome doglo te parani mana na.

Naba 23:7

Aonu mae Balam ne cheke fajiflani u nonomho igne, “Mae funei Balak na neke atha fajifla ghau iara funu Siria mala mei agne neku. Mana cheke ka iara mala tibridi iara tharakna gna mae Jekob na. Mae funei gna Moab na neke atha fajifla ghau iara funu ka thogele ke maghati. Mana cheke ka iara mala cheke fadiꞌadi naiknodi Israel re.

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 22:20

Ke leghudi igre, keha naikno ne mei cheke eghu ka mae Ebraham, “Milka na la au keha thugna nalhaꞌu.” Milka gne neke khetogna mae Neho, eghuteuna mae Neho gne neke thubusigna mae Ebraham.

Profet Jeremaea 25:23

Dedan, Tema nei Bus, nei iheire te au ka namono te khaba te kuchi fakrodo koba khakla phaꞌudi ra,

Profet Jeremaea 25:20

ba naikno phosa te mei au ka kantri Ijep. Eghuteuna iara na tusu lao waen igne ka mae king gna kantri Usi, ka mae king gna kantri Filistia te au ka namono Askelon, Gasa, Ekron nei naikno te au faleghu ka namono Asdod,