Jenesis 22:20 - Buka Blahi Ka Cheke Holo

²⁰ Ke leghudi igre, keha naikno ne mei cheke eghu ka mae Ebraham, “Milka na la au keha thugna nalhaꞌu.” Milka gne neke khetogna mae Neho, eghuteuna mae Neho gne neke thubusigna mae Ebraham.

Jenesis 22:20 ပူးပေါင်းရင်းမြစ်များ

Jenesis 11:29

Mae Ebram gne neke tolaghi ka Sarai. Sarai gne neke khara neke theo thugna. Eghuteuna mae Naho neke tolaghi ka Milka, thugna mae Haran. Mae Haran gne neke kmadi Milka, Iska nei mae Lot. Mae Tera gne neke hata balugna mae Ebram ghe Sarai nei mae Lot eghu ne jifla ka namono Ur jare Babilonia mala tei Kenan nu mare ne theome tei thoke jare ne te au neu kolho ka namono Haran.

Jenesis 24:24

Naꞌa ne cheke eghu ka mana, “Iara thugna Betuel, thudi Naho ghe Milka.

Proveb 25:25

Famane nonomho te mei funu ka vido te khaba na, jateula khoꞌu jemnu eghu ka ihei te roi koꞌu na.

Jenesis 31:53

Mae Laban ne chekedi nanghagna nodi God mae kuꞌegna tifa ra ne cheke eghu, “Nogna God mae Ebraham nei nogna god mae Naho, mana nate chekeni mae ihei gne na te huhughuni u nhaꞌa cheke igne ka tapa na.” Aonu mae Jekop ne eni kaisei nhaꞌa cheke ka nanghagna God, God mae ihei kmagna mana mae Isak teke tufru soruni tifa na.

Jenesis 24:15

Kate theome gnafa nga teu mae gloku gne nogna tharai na, Rebeka ne mei funugna ka namono na pala ne mei kaisei botol ka fafragna na. Rebeka gne neke thugna gaꞌase mae Betuel. Eghuteuna mae Betuel gne neke thudi nalhaꞌu ngala Milka ghe Neho. Eghuteuna mae Neho gne neke thabusigna ngala mae Ebraham.

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 11:26

Igne susureidi thugna mae Tera re. Mae Tera neke fitu salei finogha gna neke karha nga mae Ebram, mae Naho nei mae Haran. Mae Haran na neke kmagna mae Lot.

Jenesis 22:21

Igre nanghadire, mae teke kulu karha re mae Us, eghuteuna mae thabusigna mana re, mae Bus, mae Kemuel, mae Kemuel gne mae kmagna mae Aram, mae Kesed, mae Haso, mae Pildas, mae Jitlap nei mae Betuel.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”