Jenesis 22:19 - Buka Blahi Ka Cheke Holo

¹⁹ Aonu mae Ebraham ghe mae thugna Isak, phiamare neke pulo ka phei nogna mae glokure neke kafe pulo Bereseba, eghuteuna mae Ebraham ne au fabrahu jare Bereseba.

Jenesis 22:19 ပူးပေါင်းရင်းမြစ်များ

Jenesis 21:31

Aonu mare ne kiloni namono igne Bereseba. Bereseba teu igne, gaoghathogna na, “Khoꞌu seu aheva teke nhaꞌa cheke mare na eghu.” Naugna mae Ebraham neke nhaꞌa cheke ka mae Abimelek jare.

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Josua 15:28

nei Hasasual, nei Bereseba, nei Bisiotaea,

Jenesis 21:34

Mae Ebraham ne au fabrahu jare ka namono Filistia.

Jenesis 22:5

Mana ne cheke eghu ka phei nogna mae glokure, “Ghopa au agne balugna dongki gne. Iara gne ginauna na tei balugna mae sitei gne mala tarai. Eghuteuna ke leghugna igne ghepa ginauna nake pulo mei ka ghopa.”

Jenesis 26:23

Ke leghugna igne mae Isak jifla jare neke tei au Bereseba.

Ululahu Samuel 8:2

Nanghadi phei thugna mana re igre, mae teke kulu karha na mae Joel, eghuteuna fapea na mae Abaeja. Eghuteuna phiamae igre au ka namono Bereseba.