Jenesis 22:17 - Buka Blahi Ka Cheke Holo

¹⁷ Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 22:17 ပူးပေါင်းရင်းမြစ်များ

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Profet Jeremaea 33:22

Iara ginauna eni vikegna nogu mae gloku Devet, nei mae pris ka vikegna mae Livae mala kmana fara jateula nathunu ka maloa kligna nei nusu ka thongna, te theome tangomana kaisei naikno te kahadi.”

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Jenesis 32:12

Tifa na iagho neke nhaꞌa cheke ka iara mala fablahi ghau iara nei mala tusu ranghi ghau iara kmana vike mala kmana fara jateula nusu te theome tangomana te kahadi ka glilihi na are eghu mare neku.”

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Profet Jeremaea 32:22

Eghuteuna iagho neke tusu mei glose igne ka ghehati, leghuni nou nhaꞌa cheke teke eni iagho ka mae kuꞌemi tifa ra. Glose igne thofno keli fara, eghuteuna leuleghu fata na gano na vuragha salaꞌui.

Profet Maeka 1:9

Papara te thokedi naiknodi Samaria gre igne jateula thubu ka thini te theome tangomana nate ke mafo ra eghu. Eghuteuna nafnata fogra igne la thoke ghita tahati hi Juda. Uve, papara igne jaola thoke ka grengatha gna namono biꞌo Jerusalem, namono biꞌo igne nodi nogu naikno iara gre.

Ululahu Kings 9:26

King Solomon jaola ne horo kmana vaka Esion-Geba rhegna Elat, ka gratha Thongna Ukru Idom.

Diutronomi 21:19

Idogna kmagna mae sitei igne na hatani tei mana ka hatimare mae lida rhegna grengatha gna namono igne mala fateni mana.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 17:6

God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Hibru 6:14

“Tutuani fara, iara ginauna na fablahi nigho, tutuani fara iara ginauna na fathovuni vikemu iagho na.”

Hibru 11:12

Neubane kuekuꞌe fara mae Ebraham ne namo lehe, naikno te karha ka vikegna mana re kmana fara jateula nathunu kau maloa, ba nusu ka thongna te theome tangomana te kahadi.

Jenesis 25:11

Ke leghugna tela lehehi mae Ebraham na, mae Isak tei ne eni nogna namono na rhegna glokha khoꞌu na, ba Bea Lahai Roi.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 28:4

God ginauna na fablahi nigho iagho nei vikemu iagho gre eghu mala jateula teke eni mana ka mae Ebraham tifa ia eghu. Eghuteuna ghotilo ginauna na tangomana te khotogna namono igne, naugna namono igne neke tusu laohi God ka mae Ebraham.”

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Ululahu Kronikols 27:23

King Devet neke theome kahadi mae majaghani te theome thokeni teu varadaki finogha na, naugna Lord neke nhaꞌa cheke ka naiknodi Israel te mala kmana fara jateula nathunu ka maloa na are teuna.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Jenesis 32:13

Mae Jekop ne thuru jare bongi tuana, eghuteuna ka keha narane na mana ne vavahi keha glepo mala namha ka mae Iso.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Diutronomi 1:11

Snakreni Lord, nodi God kuꞌemi ghotilo ra, fablahi ghami ghotilo mala kmana fara salaꞌui, jateula teke nhaꞌa chekeni mana na eghu.’

Fapea Samuel 17:11

“Eghume igne gaoghathogu iara na. Iagho ginauna kilo fodudi mae soldia te gnafa Israel ra, funu ke raru Dan tei posa ke mata Bereseba. Eghuteuna mare ginauna kmana fara jateula nusu ka gratha na are eghu. Aonu iagho kolho te batudi mare te tei ka magra na.

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Profet Isaia 48:19

Eghuteuna jame te leghu ghau iara ghotilo na, thumi ghotilore ginauna kmana fara jateula nusu ka grathara eghu. Iara ginauna reireghi fakelidi, eghuteuna nanghadire na theome gnafa ka nauthoglu igne.”

Profet Hosia 2:1

“Ka narane tuana, tahati ginauna kilodi thabusidare, ‘Ami,’ gaoghathogna na, ‘ghotilo nogu naikno iara.’ Eghuteuna tahati ginauna kilodi greghada re, ‘Ruhama’ gaoghathogna na, ‘Iara kokhoni nogudi.’ ”