Jenesis 22:16 - Buka Blahi Ka Cheke Holo

¹⁶ “Lord na ne cheke eghu, ‘Iara ginauna na nhaꞌa cheke ka nanghagu thegu na, naugna iagho ne theome lhotini mae thofno thumu na ka iara, iara ginauna fablahi nigho iagho.

Jenesis 22:16 ပူးပေါင်းရင်းမြစ်များ

Luku 1:73

God neke nhaꞌa cheke ka kuꞌeda mae Ebraham te mala fakarhi ghita kau nodi nolaghi noda mae naokare mala theome mhaghu tahati kate loku ranghini God na.

Nodi Khoje Hatimare Mae Jiu 105:9

U nhaꞌa cheke teke kulu eni mana balugna mae Ebraham igne mana neke enila balugna mae Isak, eghuteuna mana na tathaji fakeli u nhaꞌa cheke igne.

Profet Jeremaea 51:14

Lord mae ihei te au nolaghi fateote'o igne mana na eni kaisei nhaꞌa cheke eghu ka ghotilo, ‘Iara ginauna kurudi mae naoka mala mei magra ka ghotilo. Eghuteuna kmana soldia fara jateula tothoghei cheche te goigonidi nagare ra eghu na mei goigoni ghami ghotilo. Eghuteuna mare ginauna na eha fabiꞌo, naugna mare ginauna na ulu ghami ghotilo.’ ”

Profet Jeremaea 49:13

Iara nhaꞌa chekehi ka nanghagu thegu te mala roꞌeni nomi namono biꞌo ghotilo Bosra. Eghuteuna kate ghathoni igne, naiknore ginauna rhana nodi fara ka unha nate thoke mei ka mare na. Mare ginauna tibrini namono igne mala thoke mei puhi biꞌo ka naiknore. Eghuteuna namono te gnafa te au faligohoni namono igne ginauna theome tangomana na teke kegra fapulo na.” Igne chekegna Lord.

Profet Isaia 45:23

Iara la enihi kaisei nhaꞌa cheke, eghuteuna nhaꞌa cheke igne theome tangomana na teke tuthughu na. Nogu nhaꞌa cheke iara igne tutuani fabrahu. Ghotilo te gnafa na mala kafe mei tuturupuku ke ulugu iara, eghuteuna ghotilo nhaꞌa cheke mala leghu ghau iara.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Profet Emos 6:8

Lord, God mae ihei te au nolaghi fateote'o igne neke nhaꞌa chekehi ka nanghagna thegna. Igne chekegna Lord na, “Iara theome magnahagheni puhidi naiknodi Israel te fahaehaghe fara igre, eghuteuna iara theome gleꞌadi nodi vido mala poru mare igre. Eghume, nodi namono biꞌo lahu mare igne baludi gobigna lepo fateote'o te au ke lamnagna igre ginauna lisa lao ka mae naoka.”

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Jenesis 22:15

Nogna engel Lord na ne fapea ehani mae Ebraham ne cheke eghu,

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 26:5

Iara ginauna eni igne naugna mae kmamu iagho Ebraham ia neke nomhidi nogu cheke iara re nei leghudi nogu vetula te gnafa iara gre neku. Naugna igne iara ginauna na fablahi nigho iagho.”

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Eksodas 17:16

Mae Moses ne cheke eghu, “Iara nhaꞌa cheke, Lord ginau na magra fabrahu baludi hatimare mae Amalek gre tifa e tifa.”

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Ululahu Kronikols 16:16

Nhaꞌa cheke teke kulu eni mana ka mae Ebraham igne, mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.

Profet Jeremaea 22:5

Nu jame te theome leghuni ghotilo nogu cheke iara igre na, tutuani fara, iara ginauna goigoni ni fara suga biꞌo igne.’ ”

Profet Jeremaea 44:26

Nu ghotilo fanomho mei ka nogna cheke Lord igne. ‘Iara Lord lisei soru ka ghotilo naiknodi Juda nhaꞌa cheke igne. Nu iara theome snakreni kaisei naikno gna Juda te cheke eghu na, “Iara eni nhaꞌa cheke igne ka Nanghagna Lord mae ihei te karha te tifa.”

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.