Jenesis 21:7 - Buka Blahi Ka Cheke Holo

⁷ Theo kaisei naikno teke ghathoni karha sua iara ka Ebraham teku na. Nu iara gne la auhi kaisei thugu kate kueku'ehi Ebraham na!”

Jenesis 21:7 ပူးပေါင်းရင်းမြစ်များ

Profet Isaia 66:8

Ba, ghotilo neke filoni nei nomhini neku chekegna nafnata glepo igne tifa na? Ba, kaisei kantri na tangomana te kegra haghe majaghani ka kaisei narane kolho na? Theome tangomana! Nu kate funu papara Saion na, naꞌa ginauna kegra haghe jateula kaisei kantri majaghani eghu.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Profet Isaia 49:21

Ka narane igne ghotilo ginauna jaglo nomi nei glealeꞌa eghu, ghotilo na cheke eghu, ‘Thuda tahati igre neke karha aheva sigrea? Iheire teke fakarhidire? Te ghathoni tahati na, tahati la tei kokodihi thudara la theohi thuda. Mae naoka neke atha fajifla ghita ka noda namono igne neke tei loku jateula naikno sneka neku ka nodi kantri. Ihei teke reireghidi sua igre, te ghilei kmana fara tuare?’ ”

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Jenesis 18:13

Aonu Lord ne cheke eghu ka mae Ebraham, “Naugna unha site maꞌe Sera te cheke eghu gnea, ‘Iara naikno biꞌo fara hi te mala karha sua na teu gnea?’

Jenesis 21:8

Ka thofno narane te lisa chuꞌu mae Isak na, mae Ebraham ne eni kaisei gaghamu biꞌo.

Profet Jeremaea 20:15

Snakre lao puhi biꞌo ka mae ihei te atha nonomho te mei cheke eghu ka mae kmagu iara na, “Khetomu iagho ia au kaisei thugna nalhaꞌu.” Mae kmagu iara na nomhini igne neke gleale'a fara.

Ululahu Kings 3:21

Kate dofra haghe iara ka hamerane igne te mala fachuchuꞌu thugu na, iara ne filoni sua igne la lehehi! Nu kate filo fakeli iara ka sua igne na, sua igne theome thugu iara.”

Ululahu Kings 11:20

Aonu gaꞌase igne ne karha kaisei thugna nalhaꞌu ka mae Hadad, mare ne kiloni mana Genubat. Kuin Tapanes tathajini mae Genubat ne biꞌo haghe ka suga gna King. Aonu mana ne biꞌo haghe baludi thugna king gna Ijep.